長澤正美同二宮和也曾傳緋聞，但已經係陳年舊事。
綾瀨遙（左）與廣瀨鈴上節目玩遊戲。
由是枝裕和執導嘅新片《海街女孩日記》今日喺日本開畫，片中扮四姊妹嘅綾瀨遙、長澤正美、夏帆同埋廣瀨鈴，頻頻亮相電視節目造勢。前晚播出嘅綜藝節目《VS嵐》，由嵐五子主持，不過成員二宮和也就曾經同長澤正美拍過拖，雖然已成過氣情侶，但佢哋難得同場，自然成為我呢啲八婆嘅茶餘飯後話題。
長澤話曬都係專業演員，鏡頭前對住二宮都冇乜避忌，當被問到要揀嵐成員做細佬，點知二宮都係人選之一，相反有觀眾就話二宮對住舊愛就有啲尷尬。同晚節目，快滿17歲嘅廣瀨鈴就話以為34歲嘅大野智已經40歲，唔知係咪怕得罪嵐嘅粉絲，節目出街後即po文耍冧。
撰文：李村姑
from:
http://hk.apple.nextmedia.com/entertainment/art/20150613/19182389
