譚俊彥寶貝女譚晴十分愛睡，被爸爸接出院時仍未睡醒。
狄龍囝囝譚俊彥剛剛升格為人父，其內地女星太太任祉妍，日前在九龍聖德肋撒醫院剖腹誕下6磅6安士囡囡譚晴，爺爺狄龍及嫲嫲陶敏明都非常開心。
昨早11時許，譚俊彥陪住太太出院，還負責捧著囡囡BB籃，其間他應記者要求，即場錫老婆兩啖，一家三口甜蜜溫馨。問譚俊彥現在心情是否仍然緊張？他說：「都唔緊張，屋企嘅床仔同衫仔都準備好曬。」他又笑言：「我就眼瞓啲，所以返到屋企會即刻瞓覺。」
新任爸爸譚俊彥為答謝老婆任祉妍，情深咀嘴。
笑言會兼任陪月的譚俊彥，捧著BB籃接老婆出院。
狄龍與太太陶敏明前日亦有探孫。資料圖片
兼任陪月照顧太太
問任祉妍開刀生，傷口有否很痛？她說：「不痛，恢復很快。」記者笑指老爺想她再追囝囝，任祉妍表示會順其自然。而譚俊彥則表示，他將會擔任陪月一職，全天候照顧老婆，將來大家有需要，絕對可以聘請他。譚俊彥笑言：「我之前主持過醫療節目，我partner係婦產科醫生，教咗我好多嘢。」
譚俊彥透露，他下月中便會出發往內地拍劇，所以只能照顧太太個多月，之後就要由媽咪幫忙。問他到時拍劇會否不捨得囡囡？他即慈父上身說：「前兩晚已經唔捨得，夜晚醒咗會睇相，想帶佢返屋企。」
採訪、攝影：玟敏芝
from:
http://hk.apple.nextmedia ... 150606/19173867
