Mandy Lieu搶閘誕女，洗米華大婆陳慧玲扯火：我不愛爭

8^# 大中小 young 發表於 2015-6-11 11:45 發短消息

洗米嫂出院前夕老公港澳頻撲

洗米嫂剖腹生女之前，老公洗米華曾陪佢去銅鑼灣購物。資料圖片

啱啱為澳門賭業猛人周焯華（洗米華）剖腹生咗7磅「小米女」Damiana嘅正印陳慧玲（Heidi），𠵱家仲喺醫院休息緊，聽講呢兩日會出院返屋企坐月㖭！昨日傍晚，洗米華爸爸同埋孫女，坐住架七人車去探Heidi，臨走嗰陣又俾人問洗米華嘅蹤影，佢話：「佢唔喺香港，出咗國！」有人即刻問佢係咪去咗英國呀？洗米華爸爸耍晒手話：「唔知呀！唔知呀！」但據知，洗米華每日收工後都由澳門到醫院探望洗米嫂，翌日早上又返回澳門工作。另外，白雪仙亦都有現身醫院。

洗米華爸爸噚日去醫院探Heidi。

洗米華大仔周柏豪，噚日喺ig貼咗張老竇細個嗰時嘅相。

柏豪晒洗米華童年照

噚日有周刊報道，洗米華搵咗李丞責幫囡囡改咗中文名叫善潼，仲有Heidi嘅閨蜜話Heidi見到丈夫咁愛錫佢同囡囡，好感動咁話：「冇人可以拆得散呢個家，錢買唔到真愛。」此外，洗米華嘅大仔周柏豪，噚日喺ig擺咗張細路仔相，竟然係佢爹哋細個嗰時嘅相，個樣同𠵱家分別唔大。

撰文：馮仁昭

馮仁昭
from:http://hk.apple.nextmedia ... 150603/19169706

TOP

9^# 大中小 young 發表於 2015-6-11 11:59 發短消息

為Mandy生B撲火洗米華億元別墅

傳洗米華打算買獨立屋別墅給老婆Heidi，欲修補夫婦關係。資料圖片
澳門賭業猛人周焯華（洗米華）在兩星期內分別獲妻子陳慧玲（Heidi）和情人Mandy Lieu為他誕下女兒，原本應該很開心，可是Mandy「先發制人」透過周刊爆出在英國生女，一直被老公瞞騙，以為Mandy冇懷孕的Heidi看到新聞後大受打擊，洗米華感內疚之餘，更為放料之事與Mandy吵起來，雙方一度冷戰，但Mandy再施軟功，雙方關係已有所緩和，並希望洗米華盡快再來英國探望她們母女二人。

洗米華連日來都有到醫院探老婆，一對仔女亦有現身。

Mandy（左）日前被發現帶埋初生B女同朋友茶敍。

周家撐正印

不過洗米華現階段正努力補鑊，有傳他打算在澳門買一座價值億元的別墅作補償，而他暫時也不敢拋下老婆去會情人，避免再刺激仍在坐月的太太。洗米華自Heidi誕下女兒Damiana後，每日下班後都會由澳門坐直升機來港，到養和醫院陪妻子，又幫手照顧新生B女，他更在醫院留宿，到朝早再返澳門開工，做足老公和父親本份。

洗米華自從被周刊爆出到倫敦陪女友Mandy產女令老婆難堪後，家人和朋友都鬧爆他做得過份，為了𠱁回老婆，據悉他在澳門主教山半山物色了一座價值一億多元的獨立屋別墅，準備待老婆出院後就送給她，好讓她能消氣和修補夫妻關係。

Heidi曾向身邊好友吐苦水，指自己屢次被老公所騙已傷透心，儘管洗米華近日很努力彌補過失，但兩夫妻感情已受到衝擊。而洗米華的父親一直擔心兒子會家變，所以力勸兒子要適可而止，要做個負責任的男人，及對得起老婆和家人。院方今天將批准洗米嫂出院，洗米華雖然公務忙，但老婆出院，他都盡量抽空陪伴。

採訪：鍾國仁
from:http://hk.apple.nextmedia ... 150604/19171103

TOP

10^# 大中小 young 發表於 2015-6-11 13:16 發短消息

老公陪返澳門洗米嫂出院開心晒B

澳門賭業猛人周焯華（洗米華）的老婆陳慧玲昨日產後出院，正印洗米嫂獲老爺高調伴住離開，以示對新抱的寵愛和支持，難怪洗米嫂現身時露出勝利笑容。洗米華則玩調虎離山跟老婆分開走，據知他抱着B女從秘密通道離開醫院，兩父女到碼頭會合洗米嫂返澳門敍天倫，洗米嫂返到主場晒愛女的粉紅色公主房，連枕頭都印住「first class princess」字句切合身份！

身家逾50億的太陽城集團主席周焯華，剛踏入41歲有家室的他仍風流倜儻，於兩周內連添兩女，正印陳慧玲和女友Mandy Lieu分別為他誕下女兒，生完五日的洗米嫂於昨天出院，據知洗米華於早上11時許跟爸爸、胞姊現身跑馬地養和醫院，為接老婆和跟自己同月同日生的囡囡Damiana出院做準備，逗留半小時後離開。

【安靜覺覺豬】

洗米嫂昨日傍晚在社交網晒囡囡Damiana睡在公主床，留言：「去媽咪房陪媽咪瞓吓先。」

洗米華父親昨日拿着花接新抱出院。

出院繼續穿白衫

直至近1時，洗米華的家姐再現身醫院，問她洗米嫂幾時出院和BB情況？她都笑而不答。約一個多小時後，醫院的停車場保安要求記者讓開通道，之後一輛七人車到場，場面有點混亂，洗米華父親捧着一束鮮花開路，以示對新抱的寵愛和支持，洗米嫂就在保鑣護駕下繼續着白衫現身，有指洗米嫂獲泰國高人指點着白衫抗狐狸精，難怪連月她都着白衫出巡。

戴大黑超和以LV披肩保暖的洗米嫂精神不錯，有老爺愛錫護航的她露出勝利笑容，拍照時雙手遮着腹部，記者問「BB靚唔靚女、似唔似你？」洗米嫂都笑晒口，但沒接受訪問便上車離去。

採訪：馬建華
攝影：陳俊強
from:http://hk.apple.nextmedia ... 150605/19172524

TOP

11^# 大中小 young 發表於 2015-6-11 13:16 發短消息

洗米嫂出院心情靚超豪小米女睡房好正

【公主側身睡】

正在酣睡的小米女頭髮濃密，還有一個印有「first class princess」字句枕頭伴睡。

洗米華辦出世紙

據知，低調的洗米華不想曝光，昨早到醫院後先抱着B女由秘密通道離去，其後到金鐘為囡囡辦登記出世紙手續，之後兩父女再到碼頭會合洗米嫂，一家大細返澳門。於傍晚5時，洗米嫂在社交網先貼心肝寶貝在粉紅色公主房酣睡的相片，枕頭印有「first class princess」字句切合身份，留言：「多謝各位關心，Damiana安全返到澳門屋企瞓覺覺豬喇。」之後再貼兩張主人房相留言：「去媽咪房陪媽咪瞓吓先。」溫馨滿瀉。

有指洗米華求洗米嫂原諒，豪買別墅、直升機冧老婆。資料圖片
消息指洗米嫂為捍衞家庭，要求老公下禁令杜絕Mandy Lieu現身香港和澳門，洗米華為顧全老婆面子，叫Mandy於兩、三年內留在英國湊女，惟有自己煩爆兩頭騰。洗米華為向老婆賠罪，除計劃擲一億在澳門主教山購獨立別墅外，又買八千萬私人直升機冧老婆，並將名下的拍賣行交給老婆打骰，希望老婆大人有大量，饒恕自己。
from:http://hk.apple.nextmedia ... 150605/19172649

TOP

12^# 大中小 young 發表於 2015-6-11 15:31 發短消息

洗米嫂影沙龍小米女露腳仔

洗米嫂在澳門專心湊女，昨日在facebook擺了小米女Damiana的腳仔相。

澳門賭業猛人周焯華（洗米華）正印陳慧玲已誕下「小米女」周善潼（Damiana）10日，正在澳門專心湊B兼坐月，同時要照顧大女周梓潼。洗米嫂昨日在facebook上載了兩張小米女的腳仔相，另有一幅她攬實大女的合照，她寫上：「眨吓眼，你已經由BB變成今日咁大個了。」原來當時梓潼準備沖涼，脫掉衣服的她被阿媽突襲，後來梓潼亦留言叫媽咪下次待她洗完澡才拍照，洗米嫂的友人紛紛留言回應，而洗米嫂在言語間亦透露她的坐月生活：「留意吓我把頭髮，咁多日唔洗得頭都仲幾清爽。」

洗米華前晚出席公司投資的新戲《殺破狼II》的首映活動。

貴為洗米華與洗米嫂的寶貝女，洗米華以小公主來形容囡囡。

洗米嫂前兩日因曬太陽而傷風，更一度與BB隔離，休息了兩日才痊癒。

曬太陽感染傷風

洗米嫂又透露日前在大宅露台曬太陽，她表示：「但塊面已經白返晒，噚日好任性地曬太陽，搞到傷風，今日都唔敢黐埋BB度。」近月鍾愛白色打扮的她後來再多貼一張獨照，表示病了兩日終康復，她更向友人透露，計劃日內趁着小米女出世15日影沙龍BB相。

而洗米嫂的設計師好友何國鉦前晚在港島香格里拉酒店出席活動時，被問到會否為洗米嫂設計親子裝，他表示：「𠵱家真係做緊，不過BB𠵱家太細，做咗都着唔到，就算着到都係包住睇唔到件衫，所以至少都要等BB滿月先。」他直言洗米嫂一向鍾意白色，提到她的情況：「佢好好，好似冇大過肚咁，瘦得好快。」

洗米華因正印與女友Mandy爭寵生女成為新聞人物，有粉絲為他成立fan page，獲逾4,000人讚好。

開洗米華粉絲會

另外，洗米華近年在正印與女友Mandy Lieu之間左右逢源，其花邊新聞竟吸引網民在今年年初為他在facebook成立fan page「周焯華——洗米華粉絲會」，截至昨日已有4千多人讚好，粉絲頁以一字排開的太陽城集團贊助賽事的賽車女郎做封面照，更有轉載洗米嫂與Mandy陀B及生B的新聞，真係無奇不有。

採訪：譚倩宜　
攝影：陳俊強
from:http://hk.apple.nextmedia ... 150610/19178247

TOP

13^# 大中小 young 發表於 2015-6-11 15:52 發短消息

洗米嫂嘟嘴襯B女

洗米嫂前晚在fb貼與小米女的合照及B女小嘴相。

澳門賭業猛人周焯華（洗米華）正印太太陳慧玲上月底生完小米女周善潼，現安心在澳門湊BB坐月，更計劃好會搵攝影師幫囡囡影沙龍寫真，認真錫B錫到燶。

陳慧玲（洗米嫂）
洗米嫂日前因傷風被迫自我隔離兩日，前晚康復後即急不及待影了囡囡兩張小嘴相擺上facebook與友人分享，更有心機地以電話apps玩視效，10日大的小米女面珠肥嘟嘟、圓圓小下巴，而小嘴豐滿。之後洗米嫂再放多了兩張自拍，當中有一幅她抱住囡囡，而她嬌俏地「嘟嘴」合照，寫上：「BB個嘴似我嗎？」洗米嫂的友人紛紛給like讚可愛，更留言母女二人的嘴巴性感及靚。

撰文：唐如
from:http://hk.apple.nextmedia ... 150611/19179801

TOP

14^# 大中小 young 發表於 2015-6-24 11:25 發短消息

洗米嫂想咬乖女肥手

洗米嫂陳慧玲在澳門專心照顧小米女Damiana，不時在facebook分享愛女相片，昨日她穿上白色衫抱住寶貝女影相。13日大的Damiana肥嘟嘟，頭髮濃密，被媽咪用毛巾攬到實，露出幾節米芝蓮車軚人般的手臂仔，洗米嫂留言：「好想咬一啖佢手臂。」她的友人亦留言問她坐月多少日冇洗頭，她回答自己忍到兼唔頭痕。
from:http://hk.apple.nextmedia ... 150613/19182427

TOP