啱啱喺台灣舉行完演唱會嘅張惠妹，噚日去咗成都搞咗個新碟《AMIT2》發佈會，吸引咗半百中港台嘅傳媒出席，現場仲有過百粉絲現身支持，場面都幾熱鬧！化身做「阿密特」嘅阿妹，繼續以一身金色長髮現身，不過見到佢著住成十吋高嘅鞋行嚟行去，真係睇見都一額汗！
大會安排咗兩個歌迷上台，送一家四口嘅熊貓公仔畀阿妹，而環球各地高層就上台送上星星皇冠畀佢，現場啲歌迷對住阿妹都好熱情，喺座談會完結之後，唔單止大叫「阿妹」，又衝出去想合照，阿妹喺台上好開心咁邊行邊送飛吻，仲話：「Love You！Love You！」
阿妹與男友經常被影到出雙入對。
「想做便去做」
大家都好關心阿妹同調酒師姚小健（Sam）幾時結婚，阿妹話：「我現在還是單身，不會刻意去想，我平常是一個想做便去做的人，而且感情一向低調，是很私人的事，所以我不會因為大家希望而硬去做，目前這階段是很開心，一切事情順其自然便可以，如果碰上合適的時間才會結婚。」她稱自己是一個喜歡浪漫和激情的人，如果真的結婚一定會公開。
撰文：馮仁昭
馮仁昭
from:
http://hk.apple.nextmedia ... 150508/19139490
