現年26歲嘅連詩雅（Shiga）早年拍過兩集《喜愛夜蒲》時已經有唔少大膽演出，又憑住一雙修長美腿迷倒大班高登仔，收埋唔少兵。原來佢除咗賣腳之外，今次玩到出口術，佢喺改編自香港漫畫家鄭健和同名漫畫嘅台灣新片《野狼與瑪莉》中，要挑戰一幕口交場面，劇組準備咗一種喺台灣士林夜市嘅美食叫「大雕燒」畀佢，係一條形狀同陽具一樣嘅甜品，Shiga二話不說就成條放入口，另外仲有一場疑似高潮戲，意識大膽，肯定足夠令高登仔發癲。
除咗女主角外，男演員們演出都幾大膽，甚至有人全裸。
張睿家入獄後被欺凌，旁邊嗰朵花更暗喻佢俾人搞。
入冊被欺凌
就Shiga嘅大膽新嘗試，佢所屬嘅經理人公司表示唔會回應。
由於故事背景係喺香港，所以入面好多人物同佈景都好香港化，笑料亦都好港式，戲中殺手著嗰套警察制服似香港差人衫多過似台灣警察。套戲嘅表達手法亦都好漫畫化，好似有場戲講男主角張睿家入獄之後被3個大隻佬欺凌，畫面旁邊就有一朵花由盛轉衰，比喻張睿家會俾人搞，望落都好搞笑。
撰文：馮仁昭
馮仁昭
from:
http://hk.apple.nextmedia.com/entertainment/art/20150507/19138166
