梁詠琪谷奶升cup，自言有苦自己知。
現年39歲的梁詠琪（GiGi）於今年2月28日順產誕下6.6磅混血小公主，取名「Sofia Crespo Leung」。GiGi昨日首度現身公開場合，與王馨平、琦琦、馬詩慧與女兒王麗嘉及Cara G.等在中環出席鞋履品牌Castaner活動。
一身春夏花裙的GiGi明顯仍未收身，上圍更連升幾cup變「E奶GiGi」，被問老公Sergio有沒有讚Amazing？她自言有苦自己知：「我餵人奶，谷奶好辛苦，只係好睇。𠵱家全部內衣同鞋都唔啱着要買過晒新，就連結婚戒指都唔啱戴；但成個過程好開心，餵完奶BB會望住我笑，係一件好快樂嘅事，我唔捨得出街。」問囡囡似邊個？她說﹕「瞇埋眼似我，打開眼，鼻同頭形都似daddy。」
梁詠琪透露餵完奶時ＢＢ會望住你笑，是一件快樂事。資料圖片
王馨平（中）提舊愛嘉穎結新歡即封嘴，同場還有琦琦（左）和趙頌茹。
馬詩慧與細女王麗嘉結伴出席鞋履品牌活動。
為囡囡淑菲搞百日宴
GiGi是素食者，產後要多吃白米飯、淮山、紅蘿蔔、番茄及豆奶等補充體力，現階段不會趕急收身，問GiGi可會快快追多個？她說：「我生完一個星期，老公已經問喇。但我仲好記得嗰種痛楚，等我忘記咗先啦，打算出年生多個弟弟妹妹陪佢。但打算年尾拍部戲，所以都要先減肥。」GiGi透露囡囡中文名叫祈淑菲，她說：「我就叫祈太太，終於有名份！Sofia係西班牙文，長輩覺得不如跟英文名改，個名好斯文得體，我好鍾意。」她計劃下月為囡囡舉行百日宴，笑言忙過搞演唱會：「演唱會有人幫，𠵱家要自製邀請卡同設計佈景板，但好有意思。」
另外，鄭嘉穎最近傳與陳凱琳搞「父女戀」，嘉穎舊愛王馨平見記者即「自動波」說：「你哋唔係問我鄭生嘅嘢嘛？」她表示有留意，但不會追問八卦事，並轉移視線爆老公有艷遇：「佢最近同朋友食完飯，有女仔畀咗張性感相佢睇。之後我着番一樣嘅衫、擺同一個pose叫老公放上手機，但係佢唔肯，可能怕我俾人睇蝕。」
採訪：羅慧敏
攝影：陳俊強
from:
http://hk.apple.nextmedia ... 150515/19147592
