Hello Kitty中菜餐廳今日開業，黃麗梅大讚點心賣相可愛！
全球首間以Hello Kitty為主題的中菜軒今日開業，《蘋果動新聞》主播汶汶前日與食得嘴刁的飲食節目主持黃麗梅（May姐）到佐敦搶先試食九款菜式，過往May姐總是金句「雞有雞味，魚有魚味」不離口，今次她看到點心賣相，未嚐先著迷。侍應逐一送上熱騰騰點心和菜餚時，May姐抗拒相機食先：「食物係一熱遮三醜，剛煮完熱辣辣最好食，咁先可以食出真正味道，同我食飯，我唔畀影相，攤凍咗會影響質素。」May姐先後試蝦餃、包點和蒸肉餅等，到底可有嗒出Hello Kitty味？她笑言：「有Hello Kitty個樣，食得好開心呀。」她還大讚點心色香味俱全。
整間餐廳均有Hello Kitty蹤影，認真有心思。
店中有Hello Kitty餐酒出售。
黃麗梅走入廚房，瞭解大廚製作餸菜過程。
茄子皮製貓鬚
May姐與汶汶分享做飲食主持心得：「我會趁拍攝前試食咗先，咁樣拍時就識講出真感受，我唔鍾意造假，亦唔會夾硬食，𠵱家觀眾好聰明，呃佢哋係掩飾唔到。」汶汶心急狼吞虎嚥，May姐也制止：「咁大啖食唔到個味，食物塞住嘴又講唔到嘢。」May姐著重食物質素，當日她主動要求入廚房直擊製作Hello Kitty餸菜過程，大廚揭秘貓鬚是用茄子皮製作：「用紫菜可以最簡單，但濕咗就冇用，用茄子皮係食得健康兼且靚。」
近年淡出幕前的May姐轉戰飲食業，近日在廣州開點心店，大部份時間駐場，她深信力不到不為財。効力亞視24年的她也關心娘家即將執笠，May姐說：「回想我出道時由佈景板，做到製作飲食節目，呢個地方見證我成長，畀我好大發揮空間，佢結業前有幫手，我一定撐。」
採訪：比華利
from:
http://hk.apple.nextmedia ... 150416/19113895
