了短髮後樣子激變女版木村拓哉的蔡思貝，出身自港姐的她緋聞一大籮，繼鄭俊弘、溫家偉及周志文後，昨有報導指她拍大台電視劇時姣電羅仲謙，主動出擊「抄牌」約謙謙撐枱腳，又要謙謙做柴可夫接送，甚至將合照貼微博向謙謙女友楊怡挑機，激到楊怡要親到片場監場，甚至一度怒趕謙謙返大埔屋企，暫停同居。
羅仲謙昨否認被楊怡趕離家。
資料圖片
蔡思貝入行一年緋聞多多，最新緋聞對象是同劇演員羅仲謙，她坦言對被封人肉發電機感不快。
資料圖片
「有大家電話」
思貝和謙謙在劇中有激咀戲，有指去年尾劇組在台灣取景時，由於楊怡不在身邊，冇王管的謙謙與思貝咀出火花，難怪傳出緋聞，報導還謂曾有女助導提醒思貝，指謙謙已有親密女友楊怡，但思貝卻懶理對方名草有主，說：「一日未婚一日都係單身。」
本報致電思貝求證，她在電話呼冤：「其實我冇講過呢句說話，同埋我冇約謙謙食飯冇撐枱腳，冇坐過佢車，好多傳聞都係傳箒。」問是否主動向謙謙「抄牌」？她坦言：「我唔記得點嘅情況之下，我哋有大家電話，但都係《衝線》一班WhatsApp群組。」
有指楊怡被激到親自監場，問楊怡是否曾現身探班？思貝說：「咁耐唔記得咗，上個夏天嘅事。」怕唔怕被指第三者？她說：「其實唔希望同謙謙或其他人傳緋聞，始終唔係真，大家知謙謙同阿怡咁耐，我唔會無啦啦做第三者，寫嗰啲嘢全部都唔係，我哋只係朋友加同事。」思貝坦言對被封做「人肉發電機」很不開心，至于謙謙則回覆：「大家當古仔一則睇。」
採訪：皓騫
from:
http://hk.apple.nextmedia ... 150320/19082583
