林師傑自認有夢想嘅鹹魚啜黑色乳牛唔認數

今年二十二歲，在無線處境劇《愛．回家》中演乖乖仔「木偶哥」的林師傑，由於家底厚，被揭三年內先後撻著六女，除了正印鄧穎芝，還有車震索模Gwen、蔡思貝、劉佩玥及歐陽巧瑩等港姐。去年終被踢爆他背鄧穎芝媾是非港姐歐陽巧瑩，日前有雜誌偷拍到林師傑駕車載歐陽巧瑩返西貢寓所過夜，更在車上三啜女友。

歐陽巧瑩等木偶哥期間，去了連鎖店睇紙巾。

親暱掃背

木偶哥事後死口不認拍拖：「冇，冇咀嘴過。公司唔畀拍拖，𠵱家事業為重。」但本報日前亦發現木偶哥與歐陽巧瑩密會。當日下午四時多，歐陽巧瑩單拖在銅鑼灣時代廣場內超級市場閒逛，明顯在等人的她在超市內四圍行，接到電話後即離開往銅鑼灣廣場方向行，原來他約了木偶哥，兩人會合後一齊行入港鐵站，伴在女友身邊的木偶哥不時出手掃女友背脊。兩人邊行邊講竟然連車都上錯，歐陽巧瑩發現上錯車即說：「哎呀！我要返公司喎！呢個方向唔啱呀！」兩人即急急腳在下一站轉車。

網上風騷

木偶哥昨在微博留言：「我係有夢想嘅鹹魚。」女主角歐陽巧瑩被爆戀情表現風騷，在Instagram上載一張嘟嘴相，並寫著：「今日好寫意。」有「黑色乳牛」之稱的歐陽巧瑩，私生活相當豪放，在她的Ig內不難發現性感低胸照，包括三點式、倒奶、著住吊帶衫在床上「典來典去」，還曾問友人：「do u want kiss my ball？」令人想入非非。

採訪：畢紹基
攝影：楊浩賢

選港姐時已有「黑色乳牛」之稱的歐陽巧瑩，緋聞仍然不斷，最近被發現與木偶哥林師傑出街偷咀。資料圖片

林師傑被指三年內連𠝹六女，其中一個是車震模Gwen。資料圖片

鄧穎芝疑不滿林師傑花心，決定斬纜。資料圖片
From:http://hk.apple.nextmedia.com/entertainment/art/20150313/19073933

女人心事，真係難明，好似……鄧穎芝咁。佢咩事呢？冇講明，但係句句呼應佢個ex——撰長文話自己俾人「屈有錢」、俾人斷章取義抹黑嘅林師傑(木偶哥)。事緣木偶哥同2013年港姐友誼小姐得主、有「黑色乳牛」之稱嘅歐陽巧瑩激吻斷正，木偶哥仲堅稱自己冇拖拍，實則係怕公司鬧，之後再於ig撰長文，如前所述，就係話自己俾人斷章取義中傷。

木偶哥話:「其實我呢幾年寫嘅歌比數出嚟嘅『緋聞女友』多，投資落自己工作嘅錢比吃喝玩樂嘅多，最近《愛，回家》入面同一眾演員嘅演出收視25點，應該比我同邊個喺車上面做緊乜嘢精彩。」車廂事件？應該就係指去年6月，木偶哥時任女友鄧穎芝——踢爆木偶哥背住佢同嫩模車震單嘢。

當時報道引述知情者話，鄧穎芝當時去打開車門，見到「兩條肉蟲喺度，佢嬲到講唔到嘢就喊住走。」事後仲喺fb借Liddy把口狂插木偶哥，結果要由木偶哥阿媽出面「擺平」。

講咗咁耐，鄧穎芝做咗啲乜嘢令人咁難明呢？首先，昨日黃昏六點左右，佢喺ig上載咗張小妹妹俾雪糕「隊」鼻哥窿(或者調番轉話係妹妹用雪糕「了」鼻哥窿)，並寫道:「點先可以將一件事變成以後唔再關自己事？」拿，佢乜嘢都冇講，但有網民回佢:「唔好放喺心，就好似有人問緊你喺非洲有個人因為偷食太多而俾人浸豬籠喎，你點睇呀？你都係答佢關我咩事」吳若希就搭嗲：「無⋯⋯可⋯⋯能⋯⋯⋯」

之後鄧穎芝又回應網民話:「I'm so strong ga lar,just so annoying that his business still my business!!」有人留言俾佢話:「對方死咗就可以啦。」鄧穎芝就話喇:「無用，就算下一秒鐘佢死咗，我分分鐘都要做回應:你有無好傷心？佢生前係點嘅人？」

約一小時前，即係昨晚9點左右，鄧穎芝又貼佢張大頭相，加個有「心心」嘅信封sticker，引用黃子華金句謂:「温聲提示:若要人不知，唔好太低B#黃子華經典金句」……歡迎對號入座。
from:http://hk.apple.nextmedia ... 150314/19075952