JC昨晚一身低胸裝與男友安志杰出席汽車品牌活動。
Jessica C.（JC）昨晚穿上低胸裝，偕男友安志杰以情侶檔於尖沙嘴出席汽車品牌活動，同場還有莊思敏及黃宗澤等。JC與安志杰一同接受訪問時，女的毫不避忌蹺着男方的手臂，男的則不時含情脈脈地看着女友，其間又多次目測對方可有走光。
莊思敏昨晚大騷招牌長腿。
說到剛過去的農曆年，安志杰坦言跟JC於家中玩煮飯仔，問到是否同居兼預演婚後生活？安志杰尷尬笑謂：「唔係住埋，唔係預演，只係我好鍾意同佢一齊，一星期都有五日。」安志杰又大方表示不介意女友穿得性感出席活動：「我好鍾意睇，其實佢唔需要同我講，但因為佢好緊張我感受，所以每次都會講。」安志杰又指安媽媽對JC印象非常好，但就未有催促二人結婚。
同場的黃宗澤則表示農曆年放了八天大假，但由於所有朋友都沒空陪他，故連日來也是於其舖頭打躉，問到新年願望可會是想找個新女友？他笑謂：「希望舖頭生日蒸蒸日上先啦！」
採訪：盧妹
攝影：葉君海
from:
http://hk.apple.nextmedia ... 150228/19057509
