羊年總有新希望，可嵐舊年婚姻觸礁，為了照顧三歲囝囝尤俊要搵工賺錢養家，好彩有一大班朋友支持同幫助，令佢重新振作，已經有國際認可咖啡調配師牌嘅可嵐，早前同朋友計劃喺元朗開咖啡店，可惜臨門撻Q，不過佢即刻轉陣同朋友喺觀塘租咗個商廈單位開朱古力教室和工場，開班授徒教整朱古力。
可嵐希望朱古力教室生意興隆，似炸角仔咁脹卜卜。
教室快開張
可嵐接受電話訪問講到咖啡店開唔成可能因禍得福，最近佢投資約二十萬喺觀塘開朱古力教室，佢笑住話：「係呀！個食物工場，一半教學一半製作朱古力製品同埋曲奇，前幾日簽咗租約，暫時未定幾時開，最快四月。」
早前可嵐到天后御名軒學炸油角，被問到會否安排囝囝跟分居丈夫見面，佢話：「我諗如果有機會都會。儘量陪住佢等佢感覺到一個好開心好溫暖嘅新年。」為咗囝囝可嵐跟分居丈夫會唔會有轉機，佢話：「冇乜嘢太大轉變，希望有一個更加好嘅開始，要努力賺錢，照顧小朋友，希望大家新年荷包都脹卜卜，好似炸角仔咁。」
撰文：馮仁昭
髮型：Alex Chan@Queen's Private i
服裝：Blue Heros@ D-mop
馮仁昭
from:
http://hk.apple.nextmedia ... 150219/19047620
