徐濠縈昨日現身尖沙嘴K-11，為新時裝店舉行活動，好友何超儀、杜如風及黃偉文等前來撐場。阿徐透露同區店舖被逼遷，她說：「新舖租金冇折扣，所以自己要努力，嚟緊會去歐洲入貨。」情人節有否慶祝活動？她即笑言：「情人節冇計劃，唔知有冇驚喜，Eason（老公陳奕迅）今朝先送咗紮花畀我，不過佢都唔知道我開舖，係佢之前整嬲我𠱁番我。」
杜如風是購物精，自言幫襯阿徐的數額可入股成VIP。
問阿徐農曆新年如何度過？她說：「會去東京參加馬拉松，Eason之後同個女嚟，希望佢哋會到終點為我打氣。」同場杜如風笑言成日幫襯阿徐：「我買到可以入股做VIP，都唔會寄賣衫，自己唔捨得掉衫，積存曬喺屋企。」會否計劃再拍旅遊節目？她說：「自己最鍾意去歐洲，要傾嚇。」
採訪、攝影：黃曉妍
from:
http://hk.apple.nextmedia ... 150211/19036951
