亞視前藝員筱靖被指因為一句「出糧天經地義」而遭亞視雪藏，不甘再違背良心講說話，筱靖去年底主動向公司解約，現時回覆自由身重見天日。日前筱靖在尖沙嘴接受本報專訪，大爆遭亞視秋後算賬、被迫講違背良心說話及被凍薪欺壓。
在亞視發展七年，筱靖自問付出青春和錢在所不計，但看到一班沒有糧出的員工背後辛酸，已不能再配合公司說反話，她說：「過往洗腦班、反發牌事件我都撐公司，每次要求我講乜都配合，明白公司要聽話員工，但唔可能去到打工仔冇糧出，咁不如我去山區做義工啦。我唔覺得『出糧天經地義』呢句話係錯，只係公司小器，我自己食齋十二年，嚇嚇要我出嚟講大話，點樣對得住自己？我喺亞視七年間，只係由六千加到七千蚊人工，阿媽話洗碗都九千啦。」
亞視高層王征近日被指騷擾男藝人，更逼藝員出席私人派對應酬。
資料圖片
筱靖指過往為亞視說反話，於反發牌事件時亦有親身力撐。資料圖片
「考慮完決定解約」
近日王征被指要亞洲先生及星光幫到寓所出席派對，其間對男藝人作出騷擾行為。對此筱靖直指曾因拒絕王征飯局而遭秋後算賬，她說：「最嬲3月傾續約嗰時，公司話唔會加一分錢畀我，原因係老闆之前點名叫我出席派對，我唔去，因為咁樣公司唔會加一分錢畀你，好無理，唔可以當呢樣係我哋真正工作之一，有乜必要一定要應酬你啲朋友同客箒？我連自己爸爸做生意啲客都唔使應酬，點解要幫你去應酬幫你飲酒先？畀額外嘢我話我推工作？我好嬲，派對件事係前年10月發生，我去年3月傾約先講，同我秋後算賬，好唔合理，幾樣加埋冇必要繼續留喺亞視，去到顛倒是非，過唔到自己個心，考慮完決定解約。」
採訪：卓寶花
攝影：陳慧安
場地提供：甜品工房
from:
http://hk.apple.nextmedia ... 150114/19001566
