吳奇隆同劉詩詩愛得坦白，愛得公開，之前吳奇隆仲話好快會娶劉詩詩過門，不過最近不時有佢哋嘅「分」訊傳出，最近有爆料話萬人迷彭於晏曾經做過小三，話說劉詩詩同彭於晏喺12年合作拍《風中奇緣》，彭於晏電力過人，搞到劉詩詩無力招架，曖昧關係維持咗半年。之後劉詩詩同彭於晏斷絕來往，先正式公開同吳奇隆嘅戀情，認真錯綜複雜。
吳奇隆同劉詩詩日前出席安徽衛視節目《國劇盛典》，雖然佢哋冇一齊行紅地毯，但台下親密互動就成為全場焦點。主持人不停用佢哋嘅戀情嚟開玩笑，當詩詩落台時，奇隆特意上前攙扶迎女友返座位，轉頭自己返後台，並彼此深情凝望，以行動澄清感情不變。同劉詩詩行紅地毯嘅孫藝洲都唔信佢哋分手話：「剛剛我們三個人還愉快的聊天，應該不會吧！」
吳奇隆同劉詩詩出席《國劇盛典》，更主動扶女友落台。 《新浪娛樂》圖片
彭於晏同劉詩詩前年合拍電視劇《風中奇緣》，傳出緋聞。劇照
彭於晏微博發洩
被指係小三嘅彭於晏，前日更新微博，佢寫道：「每和一個女演員合作，也要被媒體寫一次，我看我就一次澄清，媒體報導很嚇人，但是請放一萬個小心，小三小王通通不是我的範兒。」睇嚟佢都好無奈喎。
撰文：馮仁昭
馮仁昭
from:
http://hk.apple.nextmedia ... 141219/18973837
