劉明軒外遊散心曬比堅尼：我被離婚

有線一姐劉明軒、江若琳及歐陽妙芝等昨日於又一城出席「高錕慈善基金聖誕籌款義賣活動」，高錕太太高黃美芸亦有在場打點一切。劉明軒與其友邦保險資深區域總監夫婿王傲山（Marcus）結婚一年多分手收場，日前更在其instagram上載性感比堅尼旅遊相，來個離婚大解放，她昨日在活動首度開腔認離婚：「首先我係被離婚，其實自己啱啱去完旅行好開心，所以都唔係好想提，始終都唔係開心事。」問到離婚手續時，她表示正處理中：「無論在私事定法律上都喺處理中。」

劉明軒坦言離婚一事令她不開心，故才會到馬爾代夫散心遊：「可以咁講，同埋自己都好耐無放過假，加上我鍾意潛水。」她表示跟前夫仍有簡單的聯絡，問到現時心情？劉明軒再苦笑說：「都OK，但都有啲唔開心。」記者問到二人有複合機會，她則表示不知道。

劉明軒失婚後出活動，臉上儘是苦情，一片愁雲慘霧。

劉明軒與王傲山去年1月結婚，婚姻維持一年多即閃電離婚。資料圖片

高錕太太黃美芸（左四）專誠返港為夫婿慈善基金搞籌款活動。

江若琳嫲嫲腦退化

此外，同場的江若琳表示嫲嫲患有腦退化症：「佢都係一時時記得我，所以同佢傾偈要好有耐性。」江若琳透露經歷與前老闆林小明的合約糾紛後更有啟發：「人大咗更加有感覺，有啲人喺困難時扶過自己一把，我會記住，好似啲導演、客戶咁都係雪中送炭，即使有啲圈中朋友，唔係實質嘅幫手，就咁簡單講句加油、頂住都已經好窩心。」

採訪、攝影：譚倩宜
from:http://hk.apple.nextmedia ... 141219/18973806

有線主持一姐劉明軒去年同王傲山離婚，婚姻生活未能美滿，事業方面又點呢？原來前日係佢喺有線Last day。

佢喺facebook寫道：「在有線電視的最後一天。11年的路，不容易，但也如眨眼般走過了，這11年的際遇，帶給我太多人生的磨練，起初那幾年，有時候也給自己說，『明軒，你也挺捱得』！感激以前每一位曾給予機會及提攜的上司，感謝每一位台前幕後合作過的同事，多謝你們對我的照顧！最後一天踏進主播房，是有點不捨，太多的回憶，但其實已面目全非，也沒甚麼好眷戀，是時候再看看外面更廣濶的天空！」

猶記得好幾年前，區永權﹑洪永城﹑黃翠如﹑陳貝兒及衞志豪等都係有線人，但之後佢哋陸續離巢過檔無綫，而且備受重用，現今連劉明軒都唔撈，令有線主持買少見少，唔知明軒有乜嘢新發展呢？
from:http://hk.apple.nextmedia ... 151222/19421747