黃子華內地騷突被取消

男神黃子華10月喺紅館舉行棟篤笑《唔黐線唔正常》，當時雨傘革命正進行得如火如荼，有傳因為內容涉及敏感佔中題材，所以子華唔單止被列入內地封殺名單，甚至連喺內地巡迴演出都要取消，不過事後子華嘅經理人就否認呢件事，仲話會如期進行。

其他藝人如期演出

馮仁昭噚日喺網上見到一張喺11月尾發嘅聲明，內容係話子華上星期六喺廣西體育中心體育館嘅《唔黐線唔正常》南寧站演出，因為受南寧大橋兩邊路口修建行車天橋，往返體育中心嘅車要兜路行，主辦單位考慮觀眾要適應交警部門發出嘅行車路線，為咗減少影響，所以決定將個騷改喺下年2月7日舉行。

不過最奇怪嘅係，喺呢段修橋改路期間，鄧紫棋（G.E.M.）、林俊傑分別喺上個月22號同呢個月6號如常喺呢個場館演出，李宗盛仲會喺後日開騷㖭！唔通真好似傳聞咁講，子華俾人封殺？呢個係子華喺內地巡迴演出嘅第一站，所以有網民都擔心內地其他地方嘅演出都會受影響，噚日馮仁昭打畀子華嘅經理人瞭解，佢話：「唔關事，佢哋嗰邊都係咁講，我哋2月都會繼續做，我哋月尾都要返廣州開騷。」

撰文：馮仁昭

G.E.M.（右圖）同林俊傑如常喺同一地點開騷，有網民大呻奇怪！

馮仁昭
from:http://hk.apple.nextmedia ... 141218/18972662

黃子華（左）、鄭中基
黃子華、鄭中基等人昨日出席電影《神秘寶藏》發佈會，缺席的陳法拉事先拍片介紹角色。子華則大讚自己的演技：「我做遇溺真係做得好好，因為我真係好似就嚟浸死咁。」

戲中子華中基都是海盜，問子華可擔心跟尊尼狄普（Johnny Depp）比較，子華笑說肯定比對方好：「我哋係好癲，佢都仲係正常人，因為張保仔反抗清朝，呢啲唔要命嘅人係好瘋狂。」
from:http://hk.apple.nextmedia ... 150325/19088496