楊思琦昨日在囡囡學校樓下甫聽到吳帥的名字，即話：「呢啲嘢我唔回應。」
楊思琦當年在美國未婚生女後，與「空心老倌」吳帥劃清界線，獨力照顧囡囡楊卓穎（Krystal），多年來一直母兼父職努力搵錢，不過昨日有傳失蹤兩年幾的吳帥，忽然踩上思琦位於將軍澳寓所，大力拍門求見囡囡，思琦拒對方入屋，只答應外出傾談。與此同時，更有指欠債纍纍的吳帥，一直龜縮內地南通市，即使與楊思琦分開仍借舊女友招搖撞騙找着數。
楊思琦在學校門口等囡囡放學。DV圖片
失蹤兩年幾兼被指欠債纍纍的吳帥（右），當年曾到訪楊思琦將軍澳寓所。《壹週刊》圖片
楊思琦囡囡Krystal昨日由婆婆（左）及思琦親自接放學。
避談囡囡搵爹哋
思琦昨日與媽媽齊齊到學校接Krystal，全程講電話的思琦收線後才上樓會合楊母，過了放學時間，只見楊母先行落樓，大約過了10分鐘左右，才見到思琦母女現身。對於有傳吳帥上門爭囡囡，思琦說：「呢啲嘢我唔回應，已經講晒，冇呢件事！」她亦叮囑記者避免將Krystal攝入鏡，接着思琦登上一部黑色七人車離去。
思琦昨日在電話中否認爭囡囡，她說：「哎吔，我睇到都覺得好好笑囉，新聞一則，完全冇呢樣嘢，又冇哭訴，我只係話我唔作回應。」思琦直言不想再提過去，她說：「其實任何人走嚟問我係咪有件咁嘅事，我都唔會再答，我真係唔再講，冇嘢要回應。」再被追問有沒有發生過？她說：「都話冇呢件事，成件事冇發生過，冇唔開心，亦都冇哭訴，大家笑吓算。」問囡囡有沒有找爹哋？她避談說：「唉，祝大家新年快樂啦！總之佢𠵱家好開心。」
楊思琦表示現在只希望努力賺錢，問有沒有為囡囡設儲蓄基金？她說：「每個父母都會為自己小朋友打算，好正常，加油啦！但冇乜嘢基金，我嘅錢等於佢嘅錢啦。」她透露早前一家人到美國探哥哥，故心情好愉快，問有沒有追求者？她說：「冇發現呀。」首要條件是否是錫囡囡？她說：「唔諗咁多嘞，到時先算啦。」
採訪：嵐山、梁繼光
攝影：黃曉程
from:
http://hk.apple.nextmedia ... 150108/18994773
