陳詩慧捱足10年，最近憑新歌《I'll Be There》而人氣急升，開始捱出頭來！攝影：葉君海
【維基開戰之唱出話題】雖然港視開台劇《選戰》只播映了4集，不過已經創造了不少話題，亦令不少演員突然跑出。繼王宗堯後，捱足10年的音樂人陳詩慧，亦憑第三集的片尾曲《I'll be there》，在iTunes榜至今仍佔據冠軍位置，原來最初陳詩慧一度因太忙而推掉這機會，日前她在訪問上笑說：「嗰陣我同總導KK（黃國強）開會，佢真係好好，畀咗好多機會我去發揮，知我鍾意唱歌，佢話有啱嘅歌就擺落去喇！」
陳詩慧的新歌在《選戰》的片尾播出，令觀眾留下深刻印象。
將榮耀歸於幕後
談到創作此曲的經歷，陳詩慧認為很有挑戰性，她說：「用自己一首作品去改編，做咗個英文版本，呢個位係要交代王宗堯同李心潔嘅關係，歌詞上係Custom-made，對我嚟講係有挑戰性，始終我寫咗咁多年廣東歌，今次係第一次寫一首全英文嘅歌。」當知道歌曲有這成績，陳詩慧當然覺得開心，不過她反而將榮耀給予《選》的幕後團隊。
陳詩慧未過檔港視前，曾經在無線工作7年，雖然當時曾經創作了不少主題曲，不過最後都決定離場，追問箇中原因，她說：「嗰陣我睇唔到有乜嘢突破畀自己，時間太耐，點都會磨滅心目中嗰團火，不過當你差唔多熄，個天又會俾啲機會你，安排過咗嚟，喺呢邊我都有做埋配樂同唱歌，仲有試過拍《夜班》。」至於去向方面，與港視即將約滿的陳詩慧說：「有好多方面接洽，我最想乜都試，將來係點我冇乜點諗，喺港視3年，你會發覺好多嘢唔係你想點就點，呢個世界有好多嘢變，所以不如機會嚟到盡力去做到最好，以前我一出道夠plan去紅館開騷，但係唱咗10年都冇呢個機會。」
採訪：何慧斯
from:
http://hk.apple.nextmedia ... 141210/18963579
