胡渭康責高志森傷害人

1^# 大中小 young 發表於 2014-12-8 15:44 發短消息

胡渭康（圖）、車淑梅及張潤衡等昨日在尖東出席義工日活動，分享行善心得。早前高志森叫絕食學生不如自焚，八仙嶺火災受害人衡仔即出言寸高志森。問到胡渭康有關高志森言論，他表示：「儘量唔好講謾罵說話，對衡仔嚟講的確係傷害。」他指香港現時充滿負能量，遇到別人錯誤行為，應視為不好的示範，提醒自己不好做。
from:http://hk.apple.nextmedia ... 141206/18959097

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2015-10-6 18:27 發短消息

胡渭康肖像被盜製假證

胡渭康噚日發現自己嘅肖像被盜用，除咗用嚟開fb戶口，更懷疑有人用嚟合成假身份證呃人。胡渭康接受本報電話訪問直認肖像被盜用，感到無奈，佢話：「我問過朋友話好難做，我唔係受害者，有人用我啲相，但係佢可以話唔係我都得，佢又冇用我個名，所以我𠵱家出嗰post等大家散播呢個消息出去，等大家警惕。」可能都係唔太放心，最終佢噚日夜晚都有去警署備案。

撰文：馮仁昭

馮仁昭
from:http://hk.apple.nextmedia ... 151006/19321931

TOP

3^# 大中小 young 發表於 2018-1-30 11:31 發短消息

胡渭康男女通吃

八十年代紅極一時嘅「小虎隊」，成員包括：胡渭康、林利及孫明光。可惜，佢哋難逃合久必分嘅命運。而胡渭康亦銷聲匿跡咗一輪，直至一一年先回流返港，重現幕前，最近正積極籌備喺下月初嘅個人演唱會添。

現年五十歲嘅胡渭康，感情生活一向神秘；不過喺一二年，佢就曾經爆出與now主播劉振宇（阿水）發生「斷背緋聞」。當時，胡渭康大方表示唔介意之餘，更加笑住話阿水係「胡太」，仲坦言自己呢個年紀好想有伴喎。

最近，東姑喺一個宴會上撞到胡渭康，呢晚佢全程就同啲阿太玩，而啲太太們亦爭住同佢影相。雖然搞到佢差啲冇時間食嘢，但係佢非常之開心，仲不停同隔籬位靚太細聲講大聲笑。胡渭康男女通吃，演唱會實大把人搶飛，大把「錢」途啦！

啲阿太輪住同胡渭康影相，影完相又要傾偈，搞到佢好唔得閒。

胡渭康一到埗，未行到埋位，已經畀一班阿太們攔住咗。

胡渭康態度親切，開餐嘅時候，身旁嘅靚太不斷同佢傾偈，佢都樂於回答。

八四年由胡渭康（中）、孫明光（左）同林利（右）組成嘅「小虎隊」，憑住歌曲〈忍著淚說GOOD-BYE〉以及電視劇《新紮師兄》主題曲〈伴我啟航〉而爆紅。

胡渭康因為同now主播劉振宇畀人影到買餸返屋企，而開始傳出斷背疑雲。

TOP

著數優惠交流網 » 影視、娛樂交流區 » 胡渭康責高志森傷害人