謝寧離婚皆因冇溝通

1^# 大中小 young 發表於 2014-12-5 21:07 發短消息

相關主題: 離婚

謝寧日前接受黎燕珊主持有線高清娛樂台節目《往事．並不如煙》訪問，兩女大談愛情觀。謝寧自爆與前夫岑建勳離婚主要是因為缺乏溝通，從失敗中汲取教訓，成就了第二春。

謝寧談到跟前夫岑建勳15年婚姻離婚收場，她說：「我同佢主要係缺乏溝通，以前有少少驚佢，因為怕自己做錯事，又會覺得感情係只要仰慕佢就可以，但其實婚姻要兩夫妻坦蕩蕩、冇隔膜，乜嘢都要講。離婚畀我好大啟發，後來我再婚，更明白自己需要啲乜。」謝寧表示離婚後雖沒跟兩女同往，但母女感情好：「我哋成日傾心事，佢哋最鍾意聽我嘅愛情故事。佢哋拍拖都會同我講，仲畀我睇佢哋同男朋友傾偈短訊。」

撰文：楊定
from:http://hk.apple.nextmedia ... 141205/18957830

廷伸閱讀/相關主題推介:

相關主題:離婚

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2014-12-8 15:43 發短消息

謝寧結婚5年當新婚

謝寧與丈夫王德偉昨日5周年結婚紀念日，之後會到日本旅行慶祝。

謝寧、馬詩慧、劉天蘭與太子鐘錶老闆娘鄧鉅明太太宣宏雁等，昨日於灣仔齊齊出席維特健靈產品活動。謝寧與丈夫王德偉恩愛到場，原來昨日是二人的結婚五周年紀念日，提到丈夫保養得年輕，會否怕他有外遇？謝寧笑言：「點會呀？我哋仲好新婚，今日係我哋結婚5周年，陣間就會飛去日本二人世界，真係好快，我哋𠵱家仲好新婚、好sweet。」

謝寧（右）與劉天蘭同是岑建勳的前妻，昨日喜相逢感情甚好。

提到她跟同樣是岑建勳前妻的劉天蘭碰上，會否感到尷尬？謝寧說：「點會，嗰時我同岑生一齊，我哋都成日有家庭聚會，我哋好好朋友，係成熟人表現，又唔係第三者，離婚夫婦都要學習，正面啲，大家都好啲。」

採訪：羅慧敏
攝影：仇志德
from:http://hk.apple.nextmedia ... 141206/18959155

TOP

3^# 大中小 young 發表於 2015-3-19 12:14 發短消息

謝寧拒復出虐待觀眾

謝寧力撐吳綺莉是個愛錫女兒的好媽媽。

謝寧昨日代表國際培幼會在北角出席《香港服務大獎2015》，並獲頒「慈善之星」，退出幕前多時的謝寧坦言沒興趣復出拍戲，她笑說：「唔好啦！我自問唔係一個演戲嘅人，唔好虐待觀眾喇！我唔太enjoy幕前嗰種感覺，我反而鍾意做主持多啲。」

對於好友吳綺莉涉虐女被捕，謝寧力撐對方是個很愛錫女兒的好媽媽，希望大家不要將事件放大。是否覺得老師先應向家長溝通？謝寧說：「其實係，成件事可以係冇事，只不過係人為發生嘅事，我相信佢哋關係唔係咁惡劣，係好好，可能溝通上出咗一啲誤會，吳綺莉真係好錫個女，好難得嘅好媽咪，希望盡快走出陰影，我為佢祈禱。」

採訪、攝影：黃曉妍
from:http://hk.apple.nextmedia ... 150318/19079962

TOP