一向效忠無線的阮兆祥和曾志偉公然力撐港視，更寸無線是最衰的電視台。
一直效忠無線的阮兆祥，前晚在灣仔演出《阮兆祥2014硬食博覽楝篤笑》上，公然力撐港視，連盛傳與大台高層余詠珊不和的曾志偉，亦寸無線是天下間最衰嘅電視台！
明年將約滿無線的祥仔，未知會否因公然撐港視而令續約有變數。
曾志偉鬧無線最衰
黃偉文上身的祥仔，在台上大唱惡搞改編歌，他說：「有位朋友睇住佢硬食無數次，但係佢依然用香港人打不死嘅精神，等咗59個月，終於得到個牌，嗰個就係王維基！」接著在歌詞力讚港視：「無牌，全靠基基手快，電話想踩界，問問是不是人狼大曬，好事即刻破壞，港視高質素不發牌，最好兩台玩曬！」擺到明力撐港視！接著到曾志偉提議祥仔娶梅小惠，他說：「嗰日可以搞大啲，好似歡樂滿東華，可以直接籌埋款，為TVB僕心僕命，真係陰功，天下間最衰嘅電視台！」完騷後祥仔說：「希望可以百花齊放，想睇有水準嘅節目。」至於會否怕得罪無線？他則說：「其實歌詞內容都好客觀，都係唱出大家嘅心態，唔係偏頗任何一方。」
採訪：王連連
攝影：陳慧安
from:
http://hk.apple.nextmedia ... 141123/18944447
