昨日首度行騷的龔慈恩女兒林愷鈴，雖然只得14歲，但身高已有約5呎5吋。
被封為「嫩版吳佩慈」的龔慈恩愛女林愷鈴（Ashley），昨日跟媽咪到荃灣出席動畫展，同場還有江若琳、美心妹妹楊鎧凝、石天欣、譚玉瑛等，現年14歲的Ashley首次行手錶騷，穿著連身裙的她雖然年紀小小，身高已有約5呎5吋，比著了高踭鞋的媽咪更高䠷，台型十足。
聽傷感歌會喊
不過，首次行貓步的Ashley動作生硬，她由媽咪陪著接受訪問，龔慈恩幾乎全程做發言人，對囡囡保護十足。Ashley說：「自己有啲緊張。」問習慣面對傳媒嗎？她說：「開始慣，唔係想像之中咁可怕。」有沒有興趣入行？她說：「之前講咗好多次，完成學業再決定。」龔慈恩補充說：「暫時唔會考慮住，等佢再大啲自己決定。行騷可以嘗試嚇吸收唔同經驗，佢情感好豐富，聽到傷感嘅歌會喊。」是否感情問題？龔慈恩笑說：「唔會，我係貼身保母，知道唔會同感情有關，可能同學去外國讀書，有啲感觸。」
龔慈恩（右）十分保護囡囡，訪問時全程做發言人。
美心妹妹楊鎧凝與一頭身高相若的大狗合照，相映成趣。
江若琳穿上連身短褲，露出一雙美腿行貓步。
石天欣穿上動畫中人物的服飾，為展覽宣傳。
同場的江若琳著上連身短褲，露出一雙長腿，並大讚美心妹妹現場演繹動畫主題曲好聽，江若琳笑說：「自己都比下去，佢好淡定。」江若琳透露媽咪對她管教好嚴：「細個時媽咪會過濾過啲卡通片先畀我睇，唔出得街唔傾得電話，與世隔絕，男同學打電話搵我，媽咪會去學校同校長投訴。入行後唔俾我去夜店、飲酒，雖然媽咪𠵱家唔會check我個電話，但佢習慣凌晨12點會打電話問我返屋企未。」
採訪：馬建華
攝影：仇志德
from:
http://hk.apple.nextmedia ... 141110/18929309
