利嘉兒自從同DJ周國豐離婚之後就消失咗，噚日終於現身喺尖沙嘴電台活動，keep得唔錯嘅利嘉兒，自爆喺2010年已經再結婚，老公係生意人，不過佢都忍唔住爆辛酸史：「我諗嗰時喺TVB做嘢有壓力，積埋積埋搞到內分泌失調加抑鬱，𠵱家間中都發噩夢！」佢仲話：「𠵱家我唔怕講，嗰陣有高層叫我去飯局，推咗幾次唔去，突然冇曬嘢做，有同事同經理人都話，嗰個高層講明佢管理到嘅節目就唔用得我，最後坐咗冷板凳幾年。」
周國豐 資料圖片
利嘉兒同梁思浩噚日出席記者會，利嘉兒好坦白話好怕返TVB。
「有女同事出事」
利嘉兒仲話：「嗰時最慘係唔可以同人講，唔通我話佢要我去應酬，我唔去就咁樣咩？」不過嘉兒只係話呢個係男高層，唔係成日出現幕前，不過已經走咗。
利嘉兒仲話經理人當時都有叫擺和頭酒，佢眼紅紅話：「玩你一輪，唔好以為耍咗冧冇嘢，最慘喺TVB，叫你做乜都要做，最難受有一次叫我拎咪出去做街訪，連人哋都問我點解出嚟？真係黑暗囉！」咁有冇其他女同事有同樣遭遇？佢就話：「聽聞呢個人搞嘅飯局有女同事出事，好似搞到差唔多報警！」
撰文：馮仁昭
from:
http://hk.apple.nextmedia ... 141105/18923592
