前亞姐顏子菲回覆自由身後密密接job，工作日夜顛倒的她卻能保持膚質出眾。問她有何護膚心得？子菲自爆堅守「less is more」的法則：「我細個聽人話嗰種護膚品好用，就會加入我嘅護膚程序，但不斷狂加令皮膚負擔好重。依家就唔用加法，反而減到最基本嘅爽膚、精華同面霜三個步驟就搞掂，啱曬我呢啲懶人。」她又自爆沐浴後觀察皮膚狀態：「我沖涼後會畀皮膚休息三十分鐘，咩都唔搽，睇番當時皮膚狀態，用番針對緊繃或敏感問題嘅精華去應對。做藝人成日化妝，皮膚好唔穩定，不過我唔係醫生，解決唔到皮膚問題就會去搵幫手。」
顏子菲自認懶人，護膚步驟化繁為簡。
子菲強調每日必食水果或飲果汁：「我本身習慣多菜少肉，但每日一定要食生果或飲果汁補充足夠水分。我打開雪櫃得水果同埋乳酪，半夜起身肚餓食水果，咁就唔使擔心第二朝水腫或者變肥。」
顏子菲並不會吃太多，最緊要係簡單健康。
from:
http://orientaldaily.on.c ... /00282_062.html
