女星謝婷婷跟混血男友戴尚安（Sean）感情穩定，她昨晚帶病出席活動，自爆男友照顧入微，更夜半送上滋潤湯水，令她甜在心頭，頓有下嫁衝動！
婷婷獲男友Sean細心照顧，直認對方嫁得過！
昨晚L'ECOLE Van Cleef & Arpels梵克雅寶珠寶及腕錶學院開幕，不少名人明星如謝婷婷、葉德嫻及名模馬詩慧等現身撐場。其中婷婷表示自己感冒在身，更不時咳嗽，記者笑問是否被男友Sean傳染？她說：「係我傳染畀佢就真，佢昨（前）晚仲有攞湯畀我飲，仲錫咗我一啖，（對你好好？）佢真係好照顧我，好sweet，因為佢自己都好忙，夜晚十一點先食飯。（嫁得過？）都係向住呢個方向，因為大家都差唔多（結婚）年紀，身邊人唔係結婚就生BB。（父母及哥哥離婚對你可有影響？）唔會，咁爸爸媽咪都係朋友，而哥哥依家嘅情況都幾得意，過咗十一年後再一齊，雖然離咗婚，但喺佢生命中都係正面。」她又表示未見過王菲，希望一家人可以在聖誕節聚會見面。
馬詩慧自嘲貪慕虛榮
而影后葉德嫻就自言好學不倦，很有興趣來上珠寶課程，對於珠寶寶石的來源和製作過程均感好奇，問她可有收藏珠寶首飾？向來搞笑的她即說：「冇乜，我窮嘛！」至於名模馬詩慧就自嘲貪慕虛榮，從小就很喜歡珠寶首飾，而自己亦有興趣做設計，希望在兒女21歲和跟老公王敏德結婚25週年時設計首飾做紀念，她笑說：「仲有3年就結婚25年喇，時間過得好快，（點樣保鮮愛情？）帶多啲保鮮紙出街啦，哈哈！」
葉德嫻對珠寶製作過程感興趣。
馬詩慧笑言用保鮮紙將愛情保鮮。
文：名人組
From:
http://orientaldaily.on.c ... /00282_069.html
