歌手張紋嘉（Crystal）得唱片公司力捧，被點名拍攝萬聖節宣傳短片，自言怕鬼的她為報恩，特以露臍裝造型跟群「鬼」埋身肉搏。曾揚言期待拍拖的她，無奈暗示新戀情無疾而終，大呻現今「港男」犯賤，只愛壞女孩。
Crystal假戲真做，驚到臉容扭曲。
Crystal日前為所屬唱片公司的Neway卡拉OK拍攝萬聖節宣傳片，問她是否得寵才被選中？她解釋：「梗係唔係啦，Winkie忙緊新歌宣傳，而Regen就趕拍戲。雖然我都要排舞台劇，但咁啱我夾到時間。」
在宣傳片中，穿上低胸背心及露纖腰裝的Crystal，被群妖狂追又要手捧血淋淋的假內臟時，臉容扭曲，狀甚驚嚇。但當她被大讚好戲時，則激動稱：「我真係驚，唔係扮o架，不過我好衰，又要驚又要玩。朋友話我驚到失控嘅樣，仲得人驚過啲鬼。」
不明何解變「剩女」的Crystal自言係好女仔，感慨「港男」犯賤。
驚住玩鬼屋的Crystal被朋友戲稱恐怖過「鬼」。
「港男」犯賤
自言今年會繼續玩鬼屋的她，問可會請從事幕後的追求者同行壯膽？她避忌謂：「冇啦，唔好講，朋友啫。（點解冇咗？）冇開始過，真係唔好再問，唔想畀人誤會做宣傳。」明年就踏入30之年，恨拍拖的她坦言聖誕節為免看見街裡愛人一對對，自己就獨憔悴，打算向唱片公司「搲」撈：「愈多工作愈好，唔想再一個人過聖誕。」問她可有檢討為何變「剩女」？Crystal揚言百思不得其解，自問對以前的男友細心又體貼：「我試過為氹男友開心，用咗一個月時間籌備計劃，我覺得依家啲男仔犯賤囉，唔會鍾意啲好好嘅女仔。」
文：音樂組
From:
http://orientaldaily.on.c ... /00282_027.html
