熱愛保護環境的名模Jocelyn與丈夫Anthony昨日踴躍參與沙灘清潔日，兩夫婦無懼在烈日當空下為沙灘進行大掃除，並衷心希望可以身作則來喚起社會大眾的環保意識，令環境變得更美好。
Jocelyn與老公Anthony都享受清潔沙灘的過程，希望其他人可以放心享用安全的沙灘。
名模Jocelyn與丈夫Anthony、歌手許靖韻（Angela）及應屆港姐冠軍邵珮詩、亞軍王卓淇及季軍何艷娟昨日齊齊出席「Ecovision海灘清潔比賽」，連續數年參與活動的Jocelyn和Anthony表示非常喜愛及享受清潔沙灘過程，Jocelyn笑說：「執沙灘垃圾嘅感覺好好，因為其他人之後就可以好安全咁享用呢個地方，我上年嚟執嗰陣已經發現有好多玻璃碎片，所以真係要清潔好先唔會令人咁易受傷。」
盼改善污染問題
問到參與此活動對外界環保意識有何期望？Anthony表示只希望透過自身的力量為社會出一分力：「係我自己想為社會做啲嘢，唔係期望其他人去做啲咩，不過我想帶出嘅係只有自發性行為先可以真正改善同解決垃圾過多嘅問題。」Jocelyn續透露自己生日亦有在大浪灣進行沙灘清潔：「真係每人執一件垃圾都已經可以令地球環境更美好，（覺得垃圾污染日趨嚴重？）係呀，覺得恐怖添，希望之後日子可以有好嘅轉變，所以好想激發其他人對環保活動嘅關注同意識。」
支持環保的Jocelyn希望透過自己的行動，啟發他人對環保的關注。
Jocelyn與丈夫、許靖韻及應屆港姐齊齊出席「Ecovision海灘清潔比賽」，為地球出一分力。
港姐三甲唔怕曬
同場的Angela表示首次到戶外做義工執拾垃圾，又謂比想像中舒服及涼快。問到她會否經常到沙灘遊玩？她透露非常熱愛戶外活動：「我好鍾意踩單車同游水，有時間會同屋企人去行山。」不過她坦言入行後工作量多了，導致少了機會陪他們：「所以我一有假都會盡量留番畀屋企人。」
三位應屆港姐都興奮投入清潔沙灘的活動，並不擔心曬黑。
熱愛戶外活動的許靖韻首次做義工執拾垃圾。
另外，大有「收穫」的三位港姐表示對清潔沙灘感到很興奮，邵珮詩更謂：「好開心今日好好天，有風唔太熱。」問及烈日當空下有否做足防曬措施？王卓淇直言：「夏天曬黑啲都好健康，Enjoy！」而不怕曬黑的何艷娟則自爆比較怕蚊叮。
文：名人組
From:
http://orientaldaily.on.c ... /00282_035.html
