黃子華昨晚為其talk騷揭開序幕，吸引大批藝人捧場，謝天華及鄭中基均攜同懷孕太太現身，同樣正為腹中塊肉改名而煩惱，天華更賣關子指不知BB性別，但就有意請假陪太太入產房。
黃子華甫開場便說：「依家咩時世？仲有心情聽人講笑！」反帶起現場一片笑聲。
一連11場的黃子華《唔黐線唔正常》棟篤笑昨晚於紅館開騷，陳奕迅、吳鎮宇夫婦、袁詠儀、張智霖、蔡一智夫婦、樂易玲、鄭中基（Ronald）及謝天華分別帶同懷孕太太到場，但眾人似乎心急睇騷，要傳媒叫停才肯拍照。
婆媳比喻中港關係
子華甫一開場便搞氣氛說：「依家咩時世？仲咁歡樂？成何體統？仲有心情聽人講笑！」次次開騷也會談及「回水」的他，今次笑言：「嗌回水已經落後，嗌『倒抽一口涼氣』，未試過萬幾人一齊倒抽一口涼氣。」、「香港中咗毒，早前有老師講咗句粗口，全城就倒抽一口涼氣。」、「佔中，反佔中，對唔住，我傷風，食咗藥口乾，飲啖水先。件事應該點理解？你整容呀？會毀容喎！」、「依家中港關係係婆媳關係，必然賴嘢！」
鄭中基與太太余思敏及謝天華夫婦到場，未聽talk就笑唔停。
鄭中基、余思敏
預告請假陪入產房
與懷孕5個月太太余思敏到場的Ronald，問到BB性別，他謂：「係男仔，但諗緊咩名好，因為男仔難啲諗。（大肚係咪唔適合睇騷狂笑？）呢樣你問番太太嘞！」天華則稱未知BB預產期：「唔知係馬仔定羊仔。（生仔？）都未照，我只係講係馬或者羊BB仔啫，仔女冇所謂。（改好名未？）未，都煩緊。」天華更指屆時儘量申請放假陪太太入產房。
陳奕迅
張達明
戴黑超現身的林子善身為餐廳老闆，指大坑及灣仔分店近日受佔中事件影響，生意額暴跌3至4成，問他能否應付舖租？他謂：「惟有之後努力番，暫時都頂得住，希望頂唔住香港人嚟救我啦！」至於久未露面的張達明，就表示現時身體不俗，但為健康著想只會揀工作，更謂：「因為出年都想搞騷，所以今晚嚟同子華偷師。」
文：影視組
From:
http://orientaldaily.on.c ... /00282_028.html
