姚嘉妮（嘉嘉）老公林祖輝去年開始大搞童裝生意，甚有生意頭腦的他，在短短一年多已開設四間分店，認真厲害！而老闆娘嘉嘉日前帶同一對仔女揀衫扮靚，更力讚老公有毅力，同時兼顧家庭及事業仍能做足一百分！
育有一對仔女的姚嘉妮與祖輝，笑言兩個夠曬數，未有計劃再生B。
姚嘉妮（嘉嘉）與老公林祖輝出名是圈中模範夫婦，一家四口既幸福又溫馨，去年祖輝榮升老闆大搞童裝生意，短短一年多已開設四間店舖，將多個知名大品牌引入香港，新舖更是祖輝親自傾掂取得香港首個總代理，而雄心壯志的他，更坦言年底希望再開第五間分店，相當厲害！
佩服老公
全力支持老公的嘉嘉，日前帶同女兒Kyra及兒子Kyros落舖撐老公，對於老公轉型做生意人，嘉嘉力讚：「好proud of佢，佢真係瞓曬身搞，我唔識做生意，淨係識拍劇，見佢好多問題都可以解決好叻，身為老婆唔係淨係理佢生意上，佢EQ都要睇埋，又驚佢辛苦、攰，反而我有時就騰雞啲。」眼見祖輝同時要兼顧家庭及事業，嘉嘉笑言相當佩服他的毅力，寧願捱辛苦都要陪仔女。
姚嘉妮佩服老公有毅力兼顧家庭與事業。
姚嘉妮樂於為女兒揀靚衫。
自言不懂生意經的姚嘉妮在老公籌備開舖時亦給予不少意見。
不怕競爭
雖然嘉嘉笑言不懂生意經，但其實籌備店舖時，嘉嘉都給很多意見，她說：「身為媽咪會好清楚要揀咩畀小朋友著，小至一粒鈕都需要留意。」而近年愈來愈多藝人搞童裝生意，祖輝直言不怕競爭：「依家都成行成市，我間舖賣大品牌童裝，相對有啲藝人自創品牌，我哋算較易，好佩服自創品牌嘅藝人，佢哋由品牌定位、設計、生產等做起，辛苦好多。」
文：專案組
From:
http://orientaldaily.on.c ... /00282_054.html
