香港近日經已轉秋，但港人又怎會放過每個可以享受陽光與海灘的機會？今個夏天曾到溫哥華及泰國度夏日的陳靜師妹Celia K.（郭穎兒），就變身「Bikini教主」，教路到外地度假的女孩子揀泳裝兼豐胸，她說：「揀泳衣要著重安全性，穩陣緊要過靚！」一向較易出汗的Celia揀比堅尼就追求實淨：「頸嘅繩位同背脊個扣位都要比較實，以防走光。」雖然安全第一，但貪靚的她也有揀比堅尼小tips：「想身形身材靚啲，就可以揀有鐵絲鋼圈嘅bra top，可以令身材望落豐滿啲，自然比較吸睛啦！」
原本想25歲結婚的Celia K.坦言「時限」將至，但亦會耐心等候真命天子。
期待戀上孝順運動男
正所謂治標不如治本，Celia建議各位姊妹亦要努力做胸部護理，更透露當初透過小秘方谷胸出寫真：「我嘅秘方就係飲多啲木瓜奶，我聽朋友講芝麻糊都幫到手，呢啲都係健康食品，有豐富纖維，豐唔到胸部都可以令腸胃好啲。另外我會為胸部做磨沙，嗰度皮膚白咗同滑咗自然比較突出啲。」
女為悅己者容，個個女仔都想搵到一位識得欣賞自己嘅另一半，未有男友的Celia坦言正等待真命天子：「最緊要鍾意做運動，因為我好鍾意，佢要陪我做運動。要孝順、心地善良就OK。仲有唔好劈腿，因為近期都有唔少小三新聞，搞到自己都驚埋。」
Celia K.平時都有做運動Keep Fit，近期最愛便是游水。
Celia K.最愛玩水上活動，尤其愛Wakeboard！
文：專案組攝：鄭家俊
From:
http://orientaldaily.on.c ... /00282_028.html
