李玟（CoCo）昨日以粉紅大使身份到尖沙嘴出席「癌症基金會粉紅革命」啟動禮，至於基金會的另一位粉紅大使陳法拉昨日雖然未有親身到場，但亦有拍片支持活動。
CoCo於台上首先表示自己會定期做身體檢查，亦不時在洗澡時檢查乳房，她又透露老公樂裕民（Bruce Rockowitz）的媽媽亦曾患過乳癌。CoCo接受訪問時坦言近年越來越多女士患上乳癌，所以自己亦會定期檢查身體：「希望更多人注意呢一樣嘢，身邊有朋友30幾歲就有呢個問題。」
CoCo又自爆老爺患上了第四期膀胱癌，她謂：「𠵱家最傷心係Bruce嘅爸爸患有第四期Bladder Cancer（膀胱癌），其實膀胱癌有好多種，佢嗰種係冇得醫，已經係第四期，我哋知道呢個消息都一段時間，𠵱家佢身體狀況唔係咁好，一個月要做三次化療，好辛苦。」
CoCo透露老爺患上第四期膀胱癌，而且情況欠佳。
CoCo與老公一家感情要好，對老爺（右）患癌一事大表傷心。資料圖片
擔心契細佬祖名
CoCo坦言為此推了不少工作，希望跟老公有多些時間陪在老爺身邊：「老公每日都打電話返屋企，有時間都會去探佢，全家人都好團結，我做老婆嘅都希望多啲時間喺佢哋身邊，照顧嚇佢哋。」
另外，談到房祖名於內地涉毒被捕一事，身為祖名「契家姐」的CoCo直言擔心，自己會百分百支持祖名，亦有曾與祖名父親成龍聯絡，至于成龍是否很煩惱？CoCo則表示不便講太多。
採訪：文國駿
攝影：陳俊強
From:
http://hk.apple.nextmedia ... 140924/18876940
