噚日係學生罷課爭取真普選嘅第一日，為咗表示支持學生，全城發起「一人一相撐學生」，黃耀明（明哥）、葉蘊儀同何韻詩等一班演藝人已經第一時間貼學生相響應。明哥貼咗一張黑白相，寫話：「我相信無論甚麼年紀，我們都需要不斷學習，不斷上課，課室可以是大世界大社會，而每一課也可以是生活要踏出的每一步」。同明哥同一陣線嘅何韻詩亦都唔執輸，放咗自己20年前嘅學生證上網。
歐錦棠就貼咗張握拳相，寫住：「『我們會成功，我們會失敗，但我們不會放棄！』給吾愛吾妻，給我那受抑鬱困擾的好友，還有，給所有參與罷課的大專院校師生。Keep on fighting！」而蔡穎恩（Evelyn）雖然冇放學生相上網，但就貼咗張黃絲帶嘅漫畫表示支持。
歐錦棠（圖）資料圖片
歐錦棠雖然冇貼學生相，但就貼上拳頭相以示支持。互聯網圖片
學生有獨立思考
另外，中大出身嘅森美都撐罷課，佢接受電話訪問說：「有意義嘅罷課，總好過冇意思嘅走堂，大學生有自己獨立思考，呢個係中文大學教曉我哋嘅。」今年重返校園讀碩士嘅龍小菌喺facebook響應，今晚會出席天馬公園集會。導演舒琪除咗撐罷課，亦喺facebook回應立法會議員嘅「無面論」，佢話：「我哋就係要落佢面。FXXK YOU，老鼠芬！You don't have any face neither！」
至於葉蘊儀幫學生發聲，但就有人搞事，放咗段假嘅facebook警告，等佢一㩒入去就中毒，好在有醒目fans提醒，倖免中毒。
撰文：馮仁昭
一向同明哥同一陣線嘅阿詩亦都放上20年前嘅學生證。互聯網圖片
葉蘊儀貼上學生證撐罷課學生。互聯網圖片
from:
http://hk.apple.nextmedia ... 140923/18875467
