黃宗澤緋聞女友孫驍驍蹺阿媽一家親

黃宗澤（Bosco）早排傳同內地女星孫驍驍因拍劇撻著，前晚黃宗澤帶住緋聞女友，再拖埋媽咪喺九龍灣出席電影《男人唔可以窮》首映，驍驍蹺實黃媽媽現身，好似一家人咁親密。不過Bosco就誓神劈願咁話：「唔係緋聞女友，佢係我阿媽個契女，即係我契妹，有啲女仔你係知道唔可以發展男女朋友關係。」Bosco再解釋上契原因係驍驍同阿媽都係拜佛好投緣。佢仲好坦白咁話，好心急想搵個女朋友拍拖。

石天欣話離開TVB之後，即刻多咗嘢做。

石天欣：留TVB冇價值

首映同場仲有鄧麗欣（Stephy）、石天欣、陳嘉桓、洪天明、廖啟智、林敏聰等，石天欣一離開無線就簽咗新公司，即刻多咗工作，佢話：「𠵱家做到幾多就賺幾多，公司待遇同態度好好，喺TVB會令自己覺得好冇價值，唔受尊重，唔係幾接受到佢哋嘅態度，搞到好多同事好灰心，嗰時高鈞賢知道我走都即刻打畀我訴苦。」石天欣之後會唔會拒做「姦」角？佢話：「我唔會揀，不過最好唔好啦！」另外，Stephy露腰扮型女，佢話𠵱家正跑步喼弗。

撰文：馮仁昭
from:http://hk.apple.nextmedia ... 140917/18868259

無綫小生黃宗澤（Bosco）經常為公司出埠拍劇，已習慣公司的一貫制度，他稱數年前為《摘星之旅》到大陸拍外景時，在酒店住宿方面因想住得較舒服，並擁有私人空間，所以最後自己補錢住單人房，差額約為「一萬幾千」，Bosco坦言拍攝之前會向公司問清楚：「其實個個外景地方唔同，有啲會有酒店贊助，演員想住單人房會容易啲，但我早幾年幫公司去大陸拍《摘星》外景，起行前都問清楚，最後公司有公司制度，我係明白嘅，咪自己補差額囉，一萬幾千左右啦，換嚟個人私隱都值得嘅！」

黃宗澤經常為無綫出埠拍劇，並稱不介意補錢換來私隱。
from:http://orientaldaily.on.c ... /00282_004.html

黃宗澤（Bosco）前晚攜母出席電影《男人唔可以窮》首映，黃媽媽就拖實Bosco的緋聞女友孫驍驍高調撐場，不過Bosco堅稱驍驍是他契妹，更說：「有啲女仔永遠都冇機會發展，只會係朋友。」明顯要劃清界線。

黃宗澤攜母親現身，黃媽媽則帶着契女孫驍驍到場。

Bosco、鄧麗欣與陳嘉桓等前晚出席國藝有份投資的電影《男人唔可以窮》首映，英皇電影老闆楊受成亦有出現，Bosco攜母親到場，Bosco媽則拖實契女兼兒子的緋聞女友孫驍驍高調支持。

鄧麗欣恨做打女
Bosco受訪時被問到緋聞女友孫驍驍現身，他說：「唔係緋聞女友，係我阿媽嘅契女，係我嘅契妹，我哋冇機會發展，有啲女仔永遠都冇機會發展，只會係朋友。」他又表示會介紹契妹給經理人認識。問會否叫契妹介紹女仔？他謂：「叫佢快啲啦，講笑啫，順其自然。」

騷纖腰的鄧麗欣希望轉型做打女，故不時跑步操弗身形以練出馬甲線。問男友方力申可有陪跑？她笑說：「室內一齊跑跑步機就有，室外佢鍾意除衫跑，費事阻住佢招惹狂蜂浪蝶啦。」

石天欣剛簽了新公司。

陳嘉桓（左）不想隆胸，鄧麗欣則想做打女。

龔慈恩（左起）、廖啟智、林敏驄和李璨琛玩自拍。

楊受成與冼國林（左三及四）現身支持《男》片首映。

陳嘉桓唔使隆胸
鄧麗欣透露有向所屬的經理人公司高層黃柏高提出轉型做打女，但黃柏高叫她考慮清楚，因拍動作片會很辛苦。

穿低胸裝亮相的陳嘉桓在電影中演隆胸性感角色，要色誘Bosco，但現實中就對「僭建」耍手擰頭：「搞到腰痠背痛，自己夠用就得。」她自言拍色誘戲比拍動作片難：「我冇對手可以練，仲要着高踭鞋擺S形甫士，都有啲整親要貼膏布。」同場的石天欣穿熱褲晒長腳，剛簽了新公司的她準備接拍電影。

文：影視組
From:http://orientaldaily.on.c ... /00282_010.html