香港小姐冠軍邵珮詩昨日到金鐘出席慈善活動，邵珮詩雖然以密實連身裙亮相性感欠奉，但貼身裙展現出其激凸身材，吸引總理爭相「集郵」邀合照。
邵珮詩不愧是有料之人，密實裙子也遮不了激凸身材。
應屆香港小姐冠軍邵珮詩、亞軍王卓淇與季軍何艷娟，昨日到金鐘出席「歡樂滿東華瑞士寶林錶•觀瀾湖高爾夫球慈善大賽」記者會，邵珮詩雖然只穿密實貼身連身裙亮相，但身為「有料之人」的她激凸身材冚不住，「奇峰」明顯「凸出」，更吸引到靚仔總理楊嘉成「集郵」邀合照，甚受歡迎。
唔敢hea出街
眾港姐與總理分組進行高爾夫球賽大打「友誼波」，邵珮詩與何艷娟一組勝出，邵珮詩被問到與總理拍照時傾談甚麼話題？她說：「冇乜特別，傾嚇閒偈。（日後出席活動，若然有總理或富二代邀約可會應約？）依家我嘅身份係香港小姐，如果因為呢個身份就唔係咁好，自己都抗拒，就算有人約都唔會出席！」
王賢誌揸機為總理楊嘉成拍照「集郵」。
（左起）楊嘉成、邵珮詩、何艷娟、王卓淇
應屆港姐現身，東華主席施榮恆亦有合照。
王卓淇也認為要守護港姐形象，若以港姐身份不會應約：「依家都有傳媒跟蹤我，所以唔可以好似以前咁hea唔化妝出街。」
招牌丁字腳
何艷娟則全程生硬地以港姐招牌甫士示人，顯得十分拘謹，她只說「丁字腳」甫士靚啲！擔任司儀的師姐李思雅對於一班師妹表現拘謹，她笑說：「過幾個月適應咗就唔會咁，呢個係必經階段，我初時拍遊戲節目都港姐丁字腳咁企，依家睇番都覺得好搞笑。」近期她加緊練習高球，希望能在將舉行的香港高爾夫球公開賽贏得排名。
文：影視組
From:
http://orientaldaily.on.cc/cnt/e ...0911/00282_012.html
