大美人李嘉欣、容祖兒及何超儀等昨晚現身太古廣場，出席意大利品牌Versace與濱崎步御用造型師Alvin Goh合作的相展活動。一身黑色連身裙的嘉欣原來夫家剛經歷白事，其夫婿許晉亨胞兄許晉乾於本月4日離世，享年75歲，昨日許家登訃聞已辦妥出殯事宜。
嘉欣一臉哀傷表示：「處理咗身後事，全家人都好傷痛，等屋企人一步步走出陰霾，係好突然。」問到她如何安慰亨亨，她表示：「我自己都有親家姐，佢係佢親大佬，大家手足，唔知點安慰，惟有家人團結起嚟。」記者再問到嘉欣的大伯離世因由，她透露：「係病，好突然，之前情況幾好，乜嘢病就唔想講，佢本身低調，我講任何嘢都無資格，出咗訃聞大家知。」
李嘉欣夫家有喪事但要履行工作，惟有以一身黑色素色裙出活動。
莊思華受訪時指胞妹思明與陳司翰分手後表現堅強。
姚書軼身穿bra top谷胸露臍，顯性感一面。
何超儀（左）與容祖兒（左二）穿上窩釘細節新裝，以型格女郎示人。
祖兒要師兄送iPhone6
此外，祖兒對於全城爭買的iPhone6表興趣：「自己冇訂，我係電器鋪代言人，會享受到代言人福利，有一部已心滿意足。」記者問到她不提議找男友劉浩龍送，她笑言：「如果千方百計都得唔到，都要出埋。」而莊思華對於胞妹思明（Lisa）與陳司翰分手一事，她表示：「我唔知，思明心情幾好，唔好睇Lisa咁脆弱。」
採訪：黃曉妍
攝影：沈健程
From:
http://hk.apple.nextmedia ... 140913/18864324
