達明一派第一首主打歌《繼續追尋》係潘源良寫，佢本身擅寫愛情嘅糾纏，但達明裏面佢好少寫情歌，《十個救火的少年》、《沒有張揚的命案》都係時事攞寫歌靈感，《你還愛我嗎》表面上係情歌，其實講香港同中英關係，我成日覺得潘源良係達明一派嘅時事評論員。
雖然今日都有部份填詞人寫時事，但佢係先鋒者，《今天應該很高興》係我最鍾意作品，藉聖誕歌向親人慰問講出香港變遷、人心惶惶嘅憂慮，有趣係呢首88年嘅歌，今日聽仍然有新共鳴。
佢第一次做導演拍電影《戀愛季節》搵我做主角，帶畀我金像獎最佳新演員提名，呢部戲主題歌《Kiss Me Goodbye》係達明少有翻唱歌，86年我生日都開工拍戲，踏入凌晨佢畀歌詞我作為禮物，非常感動。自己第一張個人碟《愛到死》，當時大家有唔同意見，佢覺得首歌係我，但我覺得唔係我，不過我可以扮演歌裏面角色去唱。
《十個救火的少年》達明一派
「被撇下了這三位成員，沒法去令這猛火不再燃，瞬息之間，葬身於這巨變」
解讀：隱喻六四未必是潘sir原意，但刻劃人性醜惡也是他的拿手把戲。他配合歌曲的嘉年華式調皮節奏，以輕鬆手法寫少年因推卸責任而葬身火海，有濃厚的諷刺意味。
from:
http://hk.apple.nextmedia ... 150515/19147733
