美魔女羅霖今日49歲生日，日前她的好友紛紛為她慶祝生日，好拍檔關楚耀及好友吳君如胞弟吳君祥、利嘉閣老闆廖偉強、陳嘉容、鄭躬明夫婦齊齊玩cosplay，大搞校服制服主題派對，回到「那些年」時代。羅霖特意買了她母校的校服參加，梳起馬尾揹起背囊的「學生妹」造型，十分傳神有少女味，她昨日在電話接受訪問笑言：「都係第一次搞校服主題生日派對，我啲朋友畀我揀睡衣、泳衣同校服，自己上的士去朋友屋企時都耷低頭，驚俾人認得，嚟到啲朋友都讚我好得，好中學生感覺。」
羅霖搞生日P，一眾好友應約赴會。
美魔女羅霖玩冰桶挑戰「找數」，由好拍檔關楚耀幫手淋冰。
羅霖（左）與補祝生日的陳嘉容齊齊切朱古力乳豬造型生日蛋糕。
自爆有追求者
羅霖透露友人準備了朱古力乳豬造型蛋糕慶祝，之後被吳君祥等十多名「男同學」抬起掟入泳池，身穿短裙的羅霖狂笑，冷不防飛起時騷長腿及露打底波褲，她表示：「已有朋友通知我著泳衣打底，知會俾人掟落水。」之後，濕身的她更順手「找數」，還數給肥媽瑪利亞的冰桶挑戰。羅霖笑言已切了十個蛋糕的生日周，今日正日會與三名兒子及父母度過。問到她生日願望，她表示：「繼續要keep住110磅，身體健康、工作努力衝刺同照顧小朋友，身邊好多朋友都希望我搵番個伴，不斷介紹男士畀我識。」問到她是否已遇到追求者，她笑言：「係有，不過自己想年尾先開始諗，因為下月要去英國陪大仔開學，自己嘅洋酒生意同健康中心嘅生意啱啱上手，自己年紀都唔細，都想相處嚇先，唔好揀錯，條件要睇得順眼，接受我啲小朋友，養得起我同愛錫我。」
此外，陳嘉容昨日出席九展的城市天使選舉活動作評判，提到日前慶祝生日，她竟自爆恨嫁：「願望係可以搵個好老公。」
採訪：唐如
From:
http://hk.apple.nextmedia ... 140824/18842408
