模特兒行騷最忌走光，昨日模特兒徐靖雯（Jenny）及姚書軼行手錶騷，因裙太鬆二人不約而同將裙拉上拉下，以防春光乍洩。另提到舊愛周子揚甩拖，徐靖雯透露有安慰對方，但拒與舊愛復合，更間接認現有追求者。
徐靖雯（左）與姚書軼行騷，因裙太鬆互相提點避免走光。
模特兒徐靖雯（Jenny）及姚書軼（Mikki）昨日為香港貿發局香港鐘表展「國際名表薈萃」擔任模特兒，展示手錶。Jenny與Mikki不時上扯下扯連身裙，問到是否衣不稱身？穿上黑色tube dress的Jenny表示：「件衫好靚，不過有啲鬆，係咁拉高搞到心口有少少敏感，要顧上顧下，不過我唔驚走光，我做好保護措施，打底好叻。」
自言有追求者的徐靖雯指有安慰舊愛，但拒絕與對方復合。
姚書軼行騷拉裙
提到舊愛周子揚與何傲兒分手？她坦言有看新聞：「我同佢係朋友，大家有聯絡。有安慰佢，叫佢工作為先，自己都係。（佢唔開心？）幾好，冇唔開心，佢個人成30歲都成熟，拍拖分手好正常，依家冇嘢係冇可能發生。」至於會否與舊愛復合，她就直言不會，現時專心工作。問到她有沒有追求者？她笑言：「講冇你都唔信啦！」
另外，姚書軼穿上白色連身短裙行騷，她不時拉身上的裙子，她表示：「條裙短，頭先都有提醒Jenny件衫斜咗，互相提點。」她透露暑假是行騷淡季，剛與家人到日本九州旅行。問到有沒有艷遇？她笑言：「十幾年冇同屋企人一齊去旅行喇，佢哋喺度，冇啦，惟有靠自己。」
文：名人組
From:
http://orientaldaily.on.c ... /00282_070.html
