王晶導演歷年來捧紅過不少女星，被冠以「晶女郎」的女星，特點都是擁有一副好身材。晶哥近日簽了有「翻版法拉」之稱的「新晶女郎」唐紫睿（Hazel），同樣擁有豐滿身材，她笑言因為一個「嘔樣」而被晶哥垂青，「嘔」出個未來的她近日有幸跟偶像周潤發一同拍戲，令也大感興奮！
貌似陳法拉的唐紫睿放棄做模特兒投身影壇。
27歲的「翻版法拉」唐紫睿入行前是髮型師，三年前正式成為全職模特兒，不過她的夢想是拍電影，她說：「做咗三年model，覺得自己唔係咁適合，直至幾個月前入咗依家呢間公司（與周秀娜同一公司），我同公司講真係鍾意演戲，公司就安排我參與一啲電影演出，雖然係閒角，但總算可以踏入電影嘅世界，由低做起。」
豪邁真性情
近日Hazel參與兩套電影演出，早前周潤發主演的《賭城風雲》她亦有一份兒：「我嗰場戲係要嘔，晶哥睇住我拍，話覺得我嘔得好豪邁，好放，好真性情，就係咁樣睇中我話簽我！」她透露現正在泰國拍攝《賭城風雲2》，有幸再度跟偶像發哥及余文樂等前輩合作，戲中她飾演國際刑警：「都會有啲拳腳動作，我都要努力操fit啲，遲啲會學埋揸槍手勢，要做多啲準備！」
陳法拉
身材豐滿的唐紫睿不介意由閒角做起。
Hazel表示從前到泰國都是旅行，工作還是頭一次，問到拍攝趣事？她笑說：「發哥好好人，一啲架子都冇，仲會同人一齊玩自拍，好親民，余文樂真人比上鏡更加靚仔！」不用開工的時候，Hazel愛在片場逗留，欣賞其他演員的演出，從中偷師。
唐紫睿有幸與偶像周潤發合作拍戲。
唐紫睿全靠一場嘔戲獲睇中成為「晶女郎」。
唐紫睿Hazel Profile
年齡：27
三圍：33C-25-35
偶像：舒淇、林熙蕾
採訪：Ada Lam
攝影：吳文聰
From:
http://orientaldaily.on.c ... /00282_022.html
