曾摘下金像獎最佳編劇（《志明與春嬌》），一向愛拍獨立電影深究社會議題的麥曦茵，繼《Diva華麗之後》後，今年再執導演筒，召集一班新晉演員，包括王敏奕，組合Playtime的梁曉豐、林耀聲及黃溢濠等，拍出《曖昧不明關係研究學會》。聽名已經覺得複雜，咁到底研究咗啲咩？
「曖昧係你覺得佢係甜就甜，你覺得係苦就苦。」麥曦茵話呢部電影嘅角色，全部係喺事業上，感情上同生活上都唔成功嘅人，搞到連對心儀對象表白都唔敢，「曖昧」情況經常出現。問到在旁的年輕組合Playtime成員黃溢濠點睇，他竟然表示鍾意做「觀音兵」多過拍拖，貪做兵「他條」啲，唔駛好似真係拍拖咁攰，咁都得？
麥曦茵仲藉住電影角色道出創作人嘅無奈，話依家努力已經唔係一種才華。「你會見到好多人突然喺Youtube度爆，再諗點解我唔得呢？其實都係我哋演藝事業或者創作工業心聲嚟嘅。」
from:
http://hk.apple.nextmedia ... 140730/18815920
