o靚模尹蓁晞（Yumi）昨日以谷胸加魚網絲襪的黑色「暴乳」吸血鬼造型現身動漫節，露出三吋勁吸睛事業線，力戰同場向天堂鳥狂抽水的魯芬與黃夏蕙，事後天堂鳥嗌正，而昨又有男狂迷假扮記者混入傳媒區近攝Yumi，幸有關方面及時發現，Yumi未有蝕底。
Yumi坦言怕狂迷，但相信大會的保安措施。
Yumi、天堂鳥、魯芬與黃夏蕙昨日到會展的動漫節出席《PlayStation鬼馬兵團嘉年華》，Yumi谷胸扮吸血鬼，魯芬化身海底女巫，夏蕙姨則扮奇妙仙子，三女與扮殭屍的天堂鳥在台上玩遊戲。
眾人玩遊戲時，Yumi未敢與天堂鳥有親密接觸，她說因怕觸怒天堂鳥的粉絲。Yumi受訪時自言胸部大咗：「工作人員話我有少少走光，個胸唧曬出嚟，可能谷M大咗。（你喺男友Avis面前都慣咗性感？）會純情啲，衣著都係睇工作需要。」對於惹來狂迷扮記者喪影，Yumi說：「都怕狂迷，但大會安排安全，會叫工作人員送我離場。」
魯芬狂錫天堂鳥的Lincoln。
黃夏蕙向著Gordon臀部貼殭屍符。
魯芬、夏蕙姨與天堂鳥三子玩貼殭屍符遊戲，期間夏蕙姨似掂到Gordon臀部及大髀內側，事後她說：「唔會介意嘅，我鍾意天堂鳥，佢哋係我偶像！見到佢哋，我都自覺後生咗！」
魯芬一吻成名
勁派唇印的魯芬說：「最好乜都掂曬，換佢哋掂我都得！多謝大會請我嚟搞搞震，第四年喇，幾得意呀！（人工有冇加？）鍾意咪畀囉，唔加咪對我唔住？我會嚎哭同跳海！」
天堂鳥另一成員Gordon事後分享「被抽水」感受：「正呀！好開心，豁咗出去！」Lincoln則說：「畀魯芬錫過會大紅大紫，頭先真係冇摸到我臀部。」
文：影視組
From:
http://orientaldaily.on.c ... /00282_018.html
