對車情有獨鍾的不盡是男士，歌手吳雨霏亦佔其中一席位，她透露豪花過百萬元購下最新款跑車，現靜心等待「新寵兒」降臨，又笑言希望將來的Mr.Right都是一位揸靚車的型男。
吳雨霏性感亮相，為大會高歌贈興。
歌手吳雨霏（Kary）昨晚以deep-V高衩黑色連身裙性感出席「全新保時捷Macan新車」揭幕禮，擔任特別嘉賓的她大騷白滑長腿，還即席獻唱兩首歌曲為大會助興，令現場嘉賓聽出耳油。
入行首次買車
擁有多年駕駛經驗的Kary坦言一到18歲成人禮即考獲車牌，更牙擦地強調自己是一take pass，她還透露以過百萬元購買品牌最新和最貴的一款車：「係自己入行以嚟第一次買車。」她表示非常享受獨自駕駛的感覺，不恨有「柴可夫」司機：「其實平時出入都已經有司機車，所以夜晚得閒自己揸車出去兜風真係好正同感覺唔同啲，就算我去旅行都鍾意自駕遊。」
Kary坦言非常享受獨自駕駛的感覺。
吳雨霏對這輛保時捷Macan新車讚不絕口。
舊愛冇畀意見
Kary笑言自己是品牌的忠實粉絲，對此新車更是愛不釋手：「咁嘅車款仲要有埋turbo真係冇得頂，所以我好鍾意，（咁快想撇甩記者？）我諗好難，我係鍾意架車可以車到好多人同埋我隻狗。」她亦對自己將來的Mr.Right寄予厚望：「我希望嗰位型男自己都有架靚車。」
鍾情車的Kary最後表示沒有跟舊愛余文樂研究新車，買車全是自己的選擇。對於車牌的喜好和決定，Kary則顯現少許矛盾：「可能整個自己都唔會記得嘅車牌，（唔想畀人認得？）但架車咁靚都想畀人欣賞！」
文：名人組
From:
http://orientaldaily.on.c ... /00282_069.html
