羅仲謙日前「全副武裝」現身單車徑踩車，烈日當空下為即將開拍新劇做足準備工夫，首次接觸公路單車的他被教練大讚有潛質。由於今次戲份極重，謙仔承諾會瞓身演出，以報答監製的知遇之恩。
謙仔踩公路單車姿勢有板有眼，儼如專業選手。
謙仔休息約半年「復出」，獲無線委以重任，於即將開拍、以單車為題材的新劇《衝線》中擔演男主角，與應屆港姐蔡思貝有感情線。他視之為事業發展良機，加上同類題材電影《破風》亦即將拍攝，謙仔自然不想被比下去，雖然距離開拍日子尚有一段時間，他已找來教練進行訓練，相當賣力。
恍如老手
日前發現謙仔偕兩名猛男教練現身科學園單車徑，烈日當空下一身公路單車選手打扮的他操車，見他的單車技術有板有眼，「lock踏」、「破風」姿勢恍如老手，但原來當日是他首次正式接觸公路單車，難怪被兩位教練讚不絕口，其中一位更拿出相機及長鏡，拍下謙仔操車時的英姿，方便日後作比較深入的訓練參考。
大隻謙單手托單車，與教練研究如何踩得更好。
謙仔於劇中與蔡思貝有感情線。
事後謙仔接受訪問，提到對單車的認知，他笑說：「有邊個屋邨大嘅牛黃頭唔識踩普通單車吖？不過公路單車難度起碼高十倍。今日嘅訓練好似好成功，但都仲要花啲時間適應，最緊要係能夠應付斜路同險徑出現嘅突發情況。明白有啲嘢唔係一時三刻可以搞掂，不過希望開工埋位時能夠似模似樣，輸人唔輸陣嘛！」稍後謙仔會到台灣拍外景，他自認為食，笑言擔心自己未能忍口狂擦當地美食。
文：影視組
From:
http://orientaldaily.on.c ... /00282_075.html
