前亞視高層盛品儒（James）早前被《東網》踢爆背女友蔡一鳳（Michelle）在街頭攬錫𡃁模郭奕芯（Ashina），昨日James與Michelle一同現身公開活動不時打情罵俏，明顯箍煲成功，James更揚言2015年娶心中最愛的Michelle，並做出勝利手勢，果然有信心！
盛品儒捉實蔡一鳳玉手，舉勝利手勢示意得米。
盛品儒昨以投資電玩公司行政總裁身份出席「第十六屆香港動漫電玩節記者招待會」，箍煲成功後女友Michelle亦有撐場，二人受訪不時打情罵俏，James更解釋在社交網站寫上「得米」是箍煲後要做人生大事，2015年娶心中最愛的Michelle，James更直言這次箍煲成功指多得《東網》直擊整個過程，替他澄清是甚麼一回事。
現場所見Michelle左手中指戴上巨鑽戒，記者再三問到是否求婚成功？James直言非求婚鑽戒，是Michelle的個人品牌，但期間支支吾吾。Michelle就開腔說：「你都好慳，花同戒指都冇。」James亦打蛇隨棍上說：「一陣去銅鑼灣揀，都係去你舖頭揀特別啲。」非常肉麻。提到結婚後收心養性？James說：「一直都修心養性，最後一次解釋，嗰次我飲醉，係我錯，我承擔。（唔會再見Ashina？）今次我用全男班，我同佢講唔上係朋友，今次邊個得益有眼睇。（今年結婚？）趕唔切，下年2015結，行呢步都好，只有咁先唔會再有緋聞。」而Ashina亦透過電話回應祝福他們，但不會送禮。
何傲兒公開擇偶條件，要錫她及保護她。
唐貝詩、山內藍
傲兒讚大少唔錯
同場穿上賽車女郎服飾的何傲兒，提到與林建名（大少）傳出爺孫戀及傳她溝其兒子林孝信不果轉而向大少發展，她說：「做藝人食得鹹魚抵得渴，但影響到林生就唔好意思。（做佢契女？）佢係好人，係我尊重嘅長輩。（係咪傳同林孝信好過傳同林建名？）有人同我講搵個對象打破爺孫戀，（你有乜擇偶條件？）思想上保護到我同錫我，唔係大隻個啲。」記者提議林建名咪啱囉？她支吾說：「佢係唔錯，唔知點講好，總之事業為重。」對於被指與林孝信傳緋聞，她表示得啖笑，一向是朋友，冇想過發展。
唐貝詩撐山內藍
另外，日模山內藍與肥腸合作推出的寫真postcard銷量報捷，表示已賣5萬套，會加印，她更透露想在港作長線發展，動漫節會推出人形攬枕。而唐貝詩的購物網站可以下載二人的寫真，她覺得好cute，好過癮，希望將來佗BB時才影寫真。
文：名人組
From:
http://orientaldaily.on.c ... /00282_060.html
