以往有少少baby fat的台灣型男鄭元暢（小綜），今年突惹整容疑雲，其輪廓、鼻樑及雙眼皮睇落均有差別，不過他就自供變臉三寶，箍牙、雙眼皮貼兼減肥，三樣做齊或者人人都可以變型男！
鄭元暢秘密箍牙成功變臉。
小綜出道以來外表俊朗，一雙電眼不知電暈幾多女粉絲，殺得最多女莫過於劇集《惡作劇之吻》的「江直樹」一角，去年完成兵役佬味升級，軍服造型令人印象深刻，不過復出後「小綜」竟然不似「小綜」，不但輪廓、鼻樑變樣，就連內雙眼皮都深了一層，莫非一向靚仔的他都加入變臉行列變靚啲？小綜就澄清一切是箍牙兼雙眼皮貼的功勞，他承認趁服役期間靜雞雞箍牙，目前仍要戴牙套，至於雙眼皮疑雲則隨住他主動展示雙眼皮貼而消除，加上靠食麥皮激減15公斤踢走baby fat，難怪成個look都唔同曬！
服兵役前的鄭元暢，包包面滿是baby fat。
from:
http://orientaldaily.on.c ... /00282_066.html
