顏卓靈坐鎮新書宣傳會，為fans簽名留念。
顏卓靈昨日出席灣仔會展舉行的書展，為著作《此致》宣傳，頭100名買書粉絲可獲親筆簽名。她自言不清楚印書量及銷情，她說：「聽人講出書要蝕，但多謝公司完成我心願出書，仲叫我諗到乜就寫。呢本書係寫20歲嘅我，俾人了解拍戲以外嘅我諗乜。」她笑言書中雖然有相，但就不會像𡃁模賣弄性感，亦無露出招牌爆牙。
Victoria（右）跟Loretta互餵對方食藍莓乳酪。
倪匡今年在書展出新書，請來同樣出書的卓韻芝擔任主持。
論性感出位自然要數到Donut師妹Yogurt的幾位成員，為本書去到好盡，先是拍照時Victoria忽然舔Loretta塊面，接受訪問時更像師姐一樣周圍撩火頭，先食藍莓乳酪針對同樣出寫真的對手，又飲咖啡擺明玩殘廁新聞，最後又以蒜頭水自噴，聲言可以辟小人，她們說：「想書展變得正常啲，下年冇晒佢哋呢啲人。」另外，倪匡昨日亦撐着枴杖到場跟卓韻芝各自宣傳新書。
採訪：文國駿
攝影：沈建程
From:
http://hk.apple.nextmedia ... 140719/18804857
