混血名模Ana R.出席世界盃活動時，坦言與丈夫不時會有小拗撬，但她笑言會依靠「Sex」來維繫夫妻感情，令感情有增無減。
Ana R.不諱言與Bradley不時有拗撬，笑言會以Sex來維繫感情。
藝人朱璇與吳日言、名模Alice B.，以及Ana R.和Rosemary等，昨日先後出席在黃埔新天地舉行的《世盃決賽派對熱爆黃埔》前哨及熱身派對。提到另一混血名混Amanda S.離婚一事，Ana說：「一齊咗咁耐，分開好Sad。（有冇搵過Amanda？）冇，諗住下星期先搵佢。」坦言忙於工作的確有影響，像她與丈夫Bradley亦不時會有小拗撬，問到她如何維繫夫妻感情，她即笑言：「Sex囉！大家有時忙到連一齊食飯嘅時間都冇，要識得平衡，大家都有共識，傾好咗每個月最少要有兩日係二人世界拍吓拖。」
朱璇被海關職員搭訕
而朱璇透露早前與佗住5個多月BB的老友陳爽到了法國及西班牙旅行，提到有指西班牙男士很熱情，朱璇承認：「喺法國過關時，個海關職員幫我蓋印時同我傾偈，開頭以為佢只係問吓我嘢，點知傾咗好耐，傾到後面排隊啲人話可唔可以快啲，最後佢仲畀咗佢個電話號碼我。（接受異地戀？）睇吓有幾遠同有幾耐見一次，如果我多啲返法國都OK，但一年一、兩次就唔得。」
Alice B.喜增磅成功
另外，剛從英國探母返港的Alice B.，一面精神奕奕，表示英國行見過母親後，之前的壓力大減，人開朗不少，亦增磅成功，現會努力工作。問到感情生活？她說：「依然係單身，有同人約會，但係仲掛住前度男友。（想拍散拖定要穩定關係？）唔知，不過我咁後生，都想Have fun。」至於現在淡出娛圈轉型做生意的吳日言，坦言做了娛樂圈10年，不會再對自己在香港娛圈有任何期望，或會向大陸娛圈發展。
Bradley
Rosemary烏身整飲品，令現場氣氛熱辣辣。
Alice B.（左起）、朱璇、吳日言出席世盃前哨派對。
from:
http://orientaldaily.on.cc/cnt/e ...0714/00282_065.html
