黃家強7年沒推出專輯，前晚在發佈會即場演繹新歌。
黃家駒昨日53歲生忌，家駒位於將軍澳的墳前，早已放滿鮮花及香煙，來自家駒家鄉台山約10位歌迷，摺了800隻寫滿祝福語的紙鶴到來，對於Beyond3子合體開騷談不成，歌迷們表示：「可以嘅話當然想佢哋3個人一齊做，但只得兩個或者一個人都會去睇，只係覺得冇咁完美。」葉世榮及黃貫中昨日則在微博留言祝家駒生日快樂。
未拜祭哥哥
家駒細佬家強前晚在中環舉行新碟《沉香》發佈會，老闆任賢齊（小齊）神秘現身支持，側田及恭碩良到賀。家強透露，昨日不會到墳前拜祭家駒，他說：「唔會喺呢啲日子去拜，揀啲另外日子去探哥哥，唔好咁多記者同fans喺度，可以同哥哥慢慢傾偈，揀嘅日子有特別意義，乜嘢意義就年年都唔同。」問他會否帶囝囝探伯伯？他表示家人不建議小朋友去墳場，所以未帶他去。
側田及恭碩良前晚現身家強發佈會撐場。
家駒昨日生忌，不少歌迷在墳前放下鮮花、禮物。
昔日Beyond四子，隨着家駒去世，永不復再。
撐世榮開騷
另外，問家強是否已跟世榮談Beyond合體演出一事？家強語帶愕然說：「點解你哋唔問佢？又唔係我搞。總之自己答案從來冇改變過。」世榮沒有游說你？他說：「游說唔到，佢都有聽我講，究竟喺乜嘢情況下，先有呢個決定。但佢最後同我講咗句，用善心出發，相信個天最後會畀佢做得成呢件事，我都希望佢做得成，但我真係有我自己苦衷。」
問家強如果世榮照樣開騷會否捧場？他最初表示會去支持，但提到會否擔心歌迷叫他上台，他便改口說：「我冇考慮呢個問題，都係唔好去，唔好打擾人哋個騷。」
採訪、攝影：馬建華
from:
http://hk.apple.nextmedia ... 150611/19179611
