[故事] 靈異佛牌

徒弟：師傅今日好生意嘛？

師傅：嫲嫲地啦~所以我而家喺度睇緊我先前幫襯過嘅客人名單囉~
徒弟：睇黎做咩啊？係咪想緬懷一番呢~
師傅：懷你個頭，我喺度睇嚇有冇得諗啊！

徒弟：諗咩啊？係咪想推銷佢哋幫襯多次呢？

師傅：係就係幫襯，不過唔駛推銷，而係要翻炒佢哋，等佢哋自動送
上門。

徒弟：咁犀利？

師傅：你幫我睇嚇近呢三個月有咩人買過我嘅佛牌~
徒弟：係咪果啲膠牌啊？

師傅：冇錯！裡面雖然全部都冇靈體，不過每個幫襯過嘅人，我都有
飛隻鬼過去佢哋度架~
徒弟：飛去做咩啊？偷底褲？

師傅：當然唔係啦，我飛隻鬼過去就係要佢哋知道個佛牌嘅力量，故
意喺佢哋面前做番幾台馬騮戲，例如整啲喊聲、報嚇夢咁樣囉~
徒弟：哈~師傅你真係細心嘅啫~
師傅：如果唔係佢哋點會相信我啲野係堅嘅呢~
徒弟：嗯....咁樣你而家要我睇啲客人名單，係咪又想飛隻鬼過
去呢！

師傅：當然啦，我飛隻鬼過去，然後促使佢哋想再買多件佛牌，好等
我又可以賺番一筆嘛~
徒弟：哦~唔怪之得餘太幫襯左你買左咁多個啦，原來師傅你出蠱惑
！

師傅：我出蠱惑都隻不過係想佢再次幫襯我啫，當中我冇至少冇害到
人，你都唔知外面大把師傅真係將啲遊魂野鬼灌入個牌裡面，然後念
一啲咒語催眠左隻鬼嘅精神，促使要隻鬼聽曬個師傅命令，你話如果
邊個買左呢啲牌，萬一個師傅想要扼佢錢，真係扼曬成副身家都得啊
，我而家隻不過係扼佢哋買一個半個牌啫，點都好過果啲人。

徒弟：又係喎！你話如果搞到對方家宅不寧，繼而促使個客攞番個牌
比師傅，兼且仲要跟手埋驅邪封屋封身、甚至打埋齋超導，哇...
.呢條數都真係幾和味。

師傅：咪係囉~我算最有人性果個架嘞，你仲成日話師傅我無良，我
隻不過係求才做生意，果啲先至係老千。

徒弟：唉~講到底即是佛牌有靈體冇靈體都會最後被人扼啦，隻不過
係比人扼幾多次啫~
師傅：搵食艱難啊！外面都有真嘅師傅係真係幫人嘅，不過睇你好冇
彩囉~或者比你遇到一個半個良心發現嘅，可能都會執到正野嘅。

徒弟：嗯....感師傅你幾時良心發現啊？

師傅：我而家個銀包涼浸浸，等我賺夠錢過年先算啦~