Lea T.望化身羅拉扒龍舟

1^# 大中小 young 發表於 2014-6-3 12:12 發短消息

相關主題: 龍舟

霍啟山緋聞女友兼模特兒Lea T.趁端午節到沙灘沾龍舟水應節，經常做運動身材弗爆的她對自己的臂力信心十足，笑言有意以盜墓者羅拉性感造型扒龍舟。

Lea T.喜歡中國傳統節日，曾看過端午賽龍舟的她今年忙於工作，未能現場睇賽事。

來自斯洛伐克的Lea T.來港五年，對中國傳統習俗非常感興趣，昨日是端午節，Lea雖然未有機會扒龍舟，也特別到沙灘沾沾龍舟水順道解暑，入鄉隨俗。

強勁臂力
Lea說去年與朋友欣賞龍舟賽事，覺得氣氛很好很熱鬧，可惜今年端午節有工作在身，未能再次參與盛事。問她可有興趣扒龍舟？Lea躍躍欲試的說：「想呀！我好鍾意划船，細個時媽咪已經帶我去扒獨木舟，我成日做運動，對自己嘅臂力好有信心。不過扒龍舟要好多人，我做模特兒工作時間唔定，都好難同其他人夾到時間練習。」她笑言若以cosplay打扮扒龍舟，她會以「盜墓者羅拉」的造型上陣。

Lea T.在沙灘沾沾龍舟水，代替下水禮。

Lea熱愛水上活動，游水、花式滑水及水上電單車都愛，還必定穿著比堅尼：「玩水著兩件頭方便啲，一件頭去廁所會唔方便。（有冇試過裸泳﹖）冇，因為覺得啲水已經被污染，如果個海灘未被污染又肯定唔會有人偷拍，我都可能會試嚇。」

滿意身材
早前她與警鐘胸女模Jessica C.（JC）同出席活動，兩女都擁有驕人上圍，不過Lea希望大家將焦點集中在她的工作方面：「我唔鍾意人哋比較我嘅身材，我唔清楚JC嘅生活習慣，但我好畀心機去維持我身段，對自己嘅身材好有信心，我嘅優勝之處係健康同有恆心做運動。」

服裝：Marie France Van Damme
From:http://orientaldaily.on.c ... /00282_070.html

廷伸閱讀/相關主題推介:

相關主題:龍舟

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2014-6-6 17:06 發短消息

Lea T.大方認見家長

Rosemary同霍啟山緋聞女友Lea T.，噚日喺尖沙嘴新太陽廣場為活動「新地千萬紙幣雕刻藝術展」擔任嘉賓，兩位model着住性感波衫出席活動，睇見都熱辣辣。同霍啟山傳緋聞嘅Lea T.話，上屆南非世界杯都有去現場睇波，但今年可能要去歐遊，未必遷就到時間，而今次會同朋友去玩，家人未必同行，再問有否與緋聞友男霍啟山見過家長？Lea T.好坦白咁話：「都見過吓。」
from:http://hk.apple.nextmedia ... 140606/18746678

TOP

3^# 大中小 young 發表於 2014-7-8 15:14 發短消息

Lea T.認單身惹分手嫌疑

模特兒Lea T.與緋聞男友霍啟山的關係撲朔迷離，從未親口否認拍拖的她，昨日突然自稱單身，兼開口不想有男朋友，行騷時更大晒性感臍環，不禁惹來分手之嫌。

單身的Lea T.表示想專注工作先，暫時不想有男友。

霍啟山緋聞女友兼模特兒Lea T.、趙頌茹（阿Yu）昨日出席香港貿發局舉行的香港時裝節，並為理大碩士畢業生時裝展擔任模特兒行騷。穿上露腰裝的Lea大晒紅色臍環，她表示18歲時在泰國穿的，她說：「平時做騷要我除，今日唔使，我好鍾意個環。」問到會否外遊？她透露明天（9日）便與幾個朋友飛歐洲南部、倫敦及西班牙，問到是否與霍啟山同行？她說：「我諗唔會，阻止唔到佢去邊。我哋仲係朋友，見到面會傾偈。（感情狀況點？）好似Facebook status！我依家係單身，（Available新戀情？）唔可以話available，我想專注工作先，我唔想有男朋友。」之前Lea提及與啟山的關係，還疑幻疑真，今次如此決絕，故看來她與啟山的狀況亦有變。

趙頌茹冇蝦碌
至於同場的阿Yu行騷順利冇蝦碌，談到上次行騷跣腳又差點甩帽，她表示：「經過上次經驗，黐咗雙面膠紙，非常安全。」記者指她全程cool爆行騷，她則解釋：「上一次個騷需要可愛感覺，我本身其實好cool，但心情算輕鬆，依家主力行騷，咁耐冇出嚟做嘢，想攞番多啲舞台經驗。（老公唔在場冇咁大壓力？）唔關事，唱歌就有壓力，以前拍拖時幫佢錄demo，差啲要分手呀！」

阿Yu透露現在主力行騷，希望吸收多些舞台經驗。

羅敏莊自嘲身形短小，冇資格行時裝騷。

霍啟山
父親血癌病逝
另一邊廂的羅敏莊，表示前來支持本地設計師好友Mountain Yam，至於會否擔任模特兒行騷？她自嘲短小冇資格：「畀高大嘅人行啦，怕整闊件衫！」談到老公為何不一同前來時，她表示：「老公去咗加拿大做舞台劇，（唔做跟得夫人？）佢做舞台劇唔似得唱歌咁，唱完一身鬆晒，唔想煩佢。」她繼而透露父親大前晚凌晨因患血癌而逝世，喪禮將月底舉行：「佢病咗一段時間，都好嘅，係一種解脫方式。」提到臨終卻未能見父親最後一面，她表示：「做呢行應承咗人就要做，佢走嗰時我仲要繼續唱，show must go on。」
from:http://orientaldaily.on.c ... /00282_065.html

TOP

4^# 大中小 young 發表於 2014-7-9 13:48 發短消息

動水着：Lea T.性感待機

霍啟山緋聞女友、26歲混血女模Lea T.鍾情亞洲男士細嫩皮膚，就算身材較矮也不介意，她說：「高矮不是問題，反而注重他的學識，會欣賞智慧型男士，他未必要是成功男士，但要有自己想法。」

模特兒工作以外，Lea也拍過幾個MV，假如有機會她希望可以拍電影，絕不介意性感：「性感多少要看情形及需要，但希望可以性感得來高貴及健康。」
from:http://hk.apple.nextmedia ... 140709/18793090

TOP

5^# 大中小 young 發表於 2014-7-9 14:05 發短消息

Lea T.拖仔蒲吧睇波

霍啟山緋聞女友、模特兒Lea T.昨日再出席香港貿發局舉行的香港時裝節，並為中大專業進修學院學生時裝騷擔任模特兒行騷。Lea昨天行騷的服裝比前日更性感，她坦言：「我好享受過程，而且為佢哋感到榮幸。」

Lea T.穿上性感服裝為學生行騷。

談到世界盃盛事，Lea表示有欣賞，並支持荷蘭隊，她續說：「工作好忙，賽事通常好夜先開始，我多數第二日睇重播。（賭波？）冇，我怕輸錢！（同男性朋友一齊睇？）有時會呀，去夜場酒吧睇。」
from:http://orientaldaily.on.c ... /00288_028.html

TOP

6^# 大中小 young 發表於 2014-7-10 13:46 發短消息

Lea T.行完騷歎世界

霍啟山緋聞女友兼模特兒Lea T.連日來為香港貿發局舉行的香港時裝節擔任模特兒行騷，昨日完成最後一場澳門時裝巡禮後，即飛奔到後台換衫，記者到後台邀請Lea做訪問時，忙於更衣的她表示要趕往機場，因相約幾位好友一同到歐洲南部，返家鄉探望家人，隨後會到倫敦和西班牙旅行，享受悠閒假期。

Lea T.行完騷趕飛機去旅行。

此外，另邊廂舉行一系列休閒春夏時裝騷，當中有模特兒穿着泳衣行騷，盡顯夏日氣息。
from:http://orientaldaily.on.c ... /00282_066.html

TOP